జేసీ ప్రభాకర్ రెడ్డిపై అట్రాసిటీ కేసు నమోదైంది. ఆయనపై ఎస్సీ, ఎస్టీ కేసు నమోదు చేశారు. ఇంతకీ మ్యాటరేంటంటే…అనంతపురం జిల్లా పెద్దపప్పూరు పెన్నానది సమీపంలో అక్రమ ఇసుక తవ్వకాలకు వ్యతిరేకంగా జేసీ ఆందోళన చేపట్టారు. మైనింగ్ నిబంధలనకు విరుద్ధంగా పెన్నానది నుంచి అక్రమంగా ఇసుకను తరలిస్తున్నారంటూ జేసీ ఆరోపించారు.. అయితే ఈ క్రమంలో ఇసుక రీచ్ వద్ద జేసీ ప్రభాకర్ రెడ్డి కులం పేరుతో దూషించారంటూ వీరాంజనేయులు అనే వ్యక్తి ఫిర్యాదు చేశారు. దీంతో జేసీ ప్రభాకర్ రెడ్డిపై పెద్దపప్పూరు పోలీసు స్టేషన్లో కేసు నమోదైంది.
కాగా గతంలోనూ జేసీ ప్రభాకర్ రెడ్డి పై ఈ తరహా కేసులు ఉన్నాయి. కృష్ణ ప్రబోధ ఆశ్రమం ప్రతినిధులు ఇచ్చిన ఫిర్యాదు మేరకు ఆయనపై పెద్దపప్పూరు పోలీసులు గతంలోనూ ఎస్పీ, ఎస్టీ అట్రాసిటీ కేసు నమోదు చేశారు. ఇసుక రవాణా చేస్తుండగా కులం పేరుతో దూషించారని కృష్ణ ప్రబోధ ఆశ్రమం ప్రతినిధులు ఫిర్యాదుతో కేసు పెట్టారు.
