nayanthara comments on gajini movie : నటనతో తనకంటూ ఓ ప్రత్యేకమైన గుర్తింపు తెచ్చుకున్నారు నయనతార. అయితే ఇప్పుడో 2005లో తాను నటించిన గజిని సినిమా గురించి ఆ మధ్య ఓ ఇంటర్వ్యూలో స్పందించారామె. ఆ సినిమాలో నటించడం తాను జీవితంలో తీసుకున్న చెత్త నిర్ణయం అని ఆమె చెప్పుకొచ్చారు. ఈ సినిమా అప్పట్లో ఎంత పెద్ద హిట్టో అందరికీ తెలిసిందే. అందులో ప్రధాన నాయికగా అసిన్‌ నటించగా, మరో పాత్రలో నయన తార(nayanthara) నటించారు.
చదవండి : హైదరాబాద్‌ నుంచి బయలుదేరిన పావు గంటలోనే విమానం ఇంజిన్‌లో మంటలు!
గజిని సినిమాలో నా పాత్రను అంతకు ముందు చెప్పిన విధంగా తెరకెక్కించలేదు. ఫోటోలను సైతం వేరేగా చూపించారు. అందుకనే ఆ సినిమా ఓకే చేయడం నిజంగా బ్యాడ్‌ డెషిషన్‌ అని తాను భావిస్తానని ఆమె అన్నారు. అయితే ఈ విషయంలో తాను ఎవరినీ నిందించనని అన్నారు. ఇలాంటి వాటిని గుణపాఠాలుగా తీసుకుని ముందుకు సాగుతున్నానని అన్నారు.
చదవండి : బిల్‌గేట్స్‌తో విడాకుల తర్వాత జీవితం ఆనందంగా ఉందన్న మెలిందా!
ఈ విషయమై మురుగదాస్‌ సైతం ఓ సందర్భంలో స్పందించారు. ఎవరినీ దృష్టిలో పెట్టుకుని తాను కథలను సిద్ధం చేయనని అన్నారు. ఒక్కోసారి పెద్ద హీరోయిన్లకు కూడా తక్కువ సమయం ఉండే పాత్రలు రాయాల్సి వస్తుందని తెలిపారు. అది మన చేతుల్లో ఉండదంటూ చెప్పుకొచ్చారు. ఆ తర్వాత మళ్లీ 15 ఏళ్లకు 2020లో నయనతారు(nayanthara) మురుగదాస్‌ దర్శకత్వంలో దర్బార్‌ సినిమాలో నటించారు. అది అప్పట్లో అత్యధిక వసూళ్లు సాధించిన తమిళ చిత్రంగా రికార్డుల్ని కొట్టేసింది.
