బాలీవుడ్ బాద్ షా షారుఖ్ ఖాన్ పఠాన్ సినిమాతో దూసుకుపోతున్నాడు. దీపికా పదుకొనే హీరోయిన్ గా, జాన్ అబ్రహం విలన్ గా చేసిన ఈ సినిమా వసూళ్ల పరంగా మంచి కలెక్షన్లను రాబట్టుతోంది. ఈ సినిమాకు సిద్దార్థ్ ఆనంద్ దర్శకత్వం వహించారు. జనవరి 25వ తేదిన ఈ సినిమా విడుదలై బాక్సాఫీస్ వద్ద భారీ హిట్ గా నిలిచింది. నాలుగేళ్ల తర్వాత షారుఖ్ ఖాన్ తెరపై కనిపించడంతో ఫ్యాన్స్ ఆనందం వ్యక్తం చేశారు.
పఠాన్ సినిమా రిలీజ్ కు ముందుగానే అడ్వాన్స్ బుకింగ్స్ తోనే రూ.50 కోట్ల కలెక్షన్లను సాధించింది. ఇకపోతే మొదటి రోజు పఠాన్ సినిమా రూ.102 కోట్ల గ్రాస్ కలెక్షన్స్ ను వసూలు చేసింది. ఇక ఆ మరుసటి రోజు నుంచి రోజుకు రూ.100 కోట్ల గ్రాస్ ను వసూలు చేస్తూనే వస్తోంది. ఇప్పటి వరకూ పఠాన్ సినిమా ఐదు రోజుల్లో రూ.542 కోట్ల గ్రాస్ కలెక్షన్స్ ను వసూలు చేసినట్లు చిత్రయూనిట్ తెలిపింది. సోమవారం నాటికి ఆరు రోజులకు గాను రూ.600 కోట్ల గ్రాస్ కలెక్షన్స్ ను రాబట్టింది. రూ.1000 కోట్ల టార్గెట్ తో పఠాన్ సినిమా దూసుకుపోతోంది.
