Nithya Menon in Tollywood Young Hero movie?
Nithya Menon: కెరీర్ స్టార్టింగ్ నుంచి కథా బలమున్న చిత్రాల్లో నటిస్తూ.. తెలుగు, తమిళ, మలయాళ భాషల్లో తనకంటూ ప్రత్యేక గుర్తింపు తెచ్చుకుంది నిత్యా మీనన్. తెలుగులో చివరగా పవర్ స్టార్ పవన్ కళ్యాణ్ సరసన ‘భీమ్లానాయక్’లో నటించింది ఈ బొద్దుగుమ్మ. అలాగే ధనుష్‌ నటించిన ‘తిరు’ అనే డబ్బింగ్ చిత్రంతో తెలుగు ఆడియెన్స్‌ను పలకరించింది. ప్రస్తుతం తమిళ్‌లో ఒకటి రెండు సినిమాలు చేస్తోంది. అయితే ఆ మధ్య నిత్య సినిమాల విషయాల కంటే పర్సనల్ లైఫ్ పరంగానే ఎక్కువగా వార్తల్లో నిలిచింది. ముఖ్యంగా ఆ మధ్య నిత్య పెళ్లి, ఫలానా హీరోతో డేటింగ్ అంటూ జోరుగా ప్రచారం జరిగింది. అంతేకాదు ఓ మలయాళ హీరోను పెళ్లి చేసుకోబోతుందని కూడా వినిపించింది. కానీ ఈ మధ్య నిత్య మీనన్ కాస్త సైలెంట్‌గా ఉంది.
చదవండి:Bharatiyadu 2: ‘భారతీయుడు 2’లో మరో హీరోయిన్?
తెలుగులో అయితే నిత్యను దాదాపుగా మరిచిపోయినట్టైంది. కొత్త సినిమాలేవి సైన్ చేయలేదు. అయితే.. ఇప్పుడు యంగ్ హీరో నితిన్ సినిమాలో నటించనున్నట్టుగా తెలుస్తోంది. ప్రస్తుతం వేణు శ్రీరామ్ దర్శకత్వంలో తమ్ముడు అనే సినిమా చేస్తున్నాడు నితిన్. ఈ సినిమాలో కాంతార బ్యూటీ సప్తమి గౌడ హీరోయిన్‌గా నటిస్తోంది. అలాగే లయ కూడా కీలకపాత్రలో కనిపించబోతుంది. ఇక ఇప్పుడు నిత్యా మీనన్ గెస్ట్ పాత్రలో కనిపించబోతుందట. గతంలో నితిన్, నిత్య కాంబినేషన్లో ఇష్క్, గుండెజారి గల్లంతయ్యిందే.. సినిమాలు వచ్చాయి. ఇప్పుడు మరోసారి ఈ క్రేజీ కాంబో కలిసి నటించనుంది. అయితే.. నిత్య మీనన్ ఎలాంటి రోల్ చేస్తుందనే విషయంలో క్లారిటీ రావాలంటే.. సినిమా రిలీజ్ వరకు వెయిట్ చేయాల్సిందే.
చదవండి:kalki 2898AD: ‘కల్కి’ నుంచి రెండో ట్రైలర్.. రిలీజ్ ఎప్పుడంటే?
