టాలీవుడ్(Tollywood) సుప్రీమ్ హీరో సాయిధరమ్ తేజ్(Saidharam tej) విరూపాక్ష సినిమా(Virupaaksha Movie)తో ప్రేక్షకుల ముందుకు రాబోతున్నాడు. ఈ మూవీ పాన్ ఇండియా మిస్టీక్ థ్రిల్లర్‌గా రూపొందుతోంది. ఇందులో సంయుక్త మీనన్(Samyukta menon) హీరోయిన్‌గా నటిస్తోంది. కార్తీక్ దండు ఈ మూవీకి దర్శకత్వం వహిస్తున్నాడు. ఈ మూవీని నిర్మాణ సంస్థలు అయిన వెంకటేశ్వర సినీ చిత్ర, సుకుమార్ రైటింగ్స్ బ్యానర్స్ (Sukumar Writing Banner)పై నిర్మాత బీవీఎస్ఎన్ ప్రసాద్ తెరకెక్కిస్తున్నారు. ఏప్రిల్ 21వ తేదీన ఈ మూవీ విడుదల కానుంది. ఈ నేపథ్యంలో సినిమా ప్రమోషన్స్ ను హీరో సాయిధరమ్ తేజ్ పెంచాడు. ఈవెంట్స్ లో పాల్గొంటూనే వరుస ఇంటర్వ్యూలు ఇచ్చుకుంటూ వెళ్తున్నాడు.
చదవండి: Cine Industry : ఇకపై పైరసీ కట్టడికి కొత్త చట్టం.. కేంద్రం కీలక ప్రకటన
తాను అందర్నీ నవ్విస్తూ సంతోషంగా ఉండాలనుకుంటున్నానని, సినిమా సక్సెస్ అయితే అందరూ హ్యాపీ అని సాయిధరమ్ తేజ్(Saidharam Tej) అన్నారు. విరూపాక్ష సినిమా (Virupaaksha Movie) 80, 90వ దశకంలో జరిగే కథ అని అన్నారు. ఒక ఊర్లో వరుసగా జరిగే మిస్టరీ డెత్‌లు ఏంటనే దానిపై కథ నడుస్తుందన్నారు. విరూపాక్ష అంటే రూపం లేని కన్ను అని, అంటే శివుడి మూడో కన్ను అని, అంటే రూపం లేని దాంతో సినిమాలో పోరాటం చేస్తామని వివరించారు.
చదవండి: Ugram Movie : ‘ఉగ్రం’ సినిమా మేకింగ్ వీడియోలు రిలీజ్
మొదటిసారిగా తను కొత్త జానర్‌లో పనిచేయడం ఆనందంగా అనిపించిందన్నారు. మొదటి సినిమాకు ఎలా కష్టపడ్డాడో ఈ సినిమాకు కూడా అలానే కష్టపడినట్లు తెలిపారు. ఈ మూవీని కాంతారాతో పోల్చనన్నారు. ప్రమాదం జరిగాకా అందరూ తనను సినిమాలు చేస్తాడో లేదోనని అనుకున్నారని, కానీ తన తల్లి మాటలు తనకు అన్నీ నేర్పించాయన్నారు. సుకుమార్(Sukumar) స్క్రీన్ ప్లే ఈ సినిమాకు హైలెట్ గా నిలుస్తుందన్నారు. ప్రమాదం జరిగిన తర్వాత మెగాస్టార్ చిరంజీవి(Megastar Chiranjeevi) తనకు ఓ కొటేషన్ పంపారన్నారు. ”ఎప్పుడూ ఒప్పుకోవద్దురా ఓటమిని..ఎప్పుడూ వదులుకోవద్దురా ఓరిమిని” అంటూ సిరివెన్నెల పాటలోని లైన్స్ ను పంపి తనకు ధైర్యం నింపినట్లుగా గుర్తు చేసుకున్నారు.
