ప్రస్తుతం పవన్(Pawan Kalyan) చేస్తున్న సినిమాల్లో అన్నింటికంటే చివరగా షూటింగ్ మొదలై అన్నింటికంటే ముందే థియేటర్లోకి రాబోతోంది ‘బ్రో’ మూవీ(BRO Movie). జూలై 28న ఈ సినిమాను రిలీజ్ చేసేందుకు రంగం సిద్ధం చేస్తున్నారు. ఇప్పటికే పవన్ కళ్యాణ్ పార్ట్‌కు సంబంధించిన షూటింగ్ కంప్లీట్ చేసేశారు. 20 నుంచి 25 రోజుల్లోనే పవన్ పోర్షన్‌ను ఫినిష్ చేశారు. దీని కోసం పవన్ ఏకంగా 45 కోట్ల వరకు పారితోషికం అందుకున్నాడు. వీలైనంత త్వరగా ఈ సినిమా షూటింగ్‌ను కంప్లీట్(Shooting Complete) చేసేందుకు ప్లాన్ చేస్తున్నారు. ప్రస్తుతం బ్యాలెన్స్ షూటింగ్‌ను జెట్ స్పీడ్‌లో చేస్తున్నారు. అయితే సినిమాలో ఓ పబ్ సాంగ్ ఉంటుందని తెలుస్తోంది.
చదవండి: Pawan Kalyan: ఆగిపోనున్న పవన్ సినిమాలు..షాక్‌లో దర్శక నిర్మాతలు
ఇప్పటికే భారీగా ఖర్చు చేసి హైదరాబాద్‌లో పబ్ సెట్‌ను నిర్మించినట్లు తెలుస్తుంది. ప్రజెంట్ ఆ సాంగ్ షూటింగ్‌కి ఏర్పాట్లు జరుగుతున్నాయట. ఈ స్పెషల్ సాంగ్ కోసం బాలీవుడ్ హాట్ బ్యూటీ ఊర్వశి రౌతెలాను రంగంలోకి దింపుతున్నారట. గతంలో ఈ ముద్దుగుమ్మ మెగాస్టార్ చిరంజీవి ‘వాల్తేరు వీరయ్య’ మూవీలో.. వేర్ ఈజ్‌ ద పార్టీ అంటూ రచ్చ చేసింది. ఇక ఇప్పుడు పవన్, సాయిధరమ్ తేజ్‌లతో కలిసి ఊర్వశి చిందులు వేయనున్నట్లు సమాచారం. ఇక ఈ సినిమాలో పవన్ దేవుడుగా కనిపించనున్నాడు.
చదవండి: Adipurush: గ్రాండ్‌గా ‘ఆదిపురుష్’ ప్రీ రిలీజ్ ఈవెంట్.. గెస్ట్‌గా చిన్న జీయర్ స్వామి
ఒరిజినల్ వెర్షన్ తెరకెక్కించిన సముద్రఖనినే ఈ సినిమాకు దర్శకత్వం వహిస్తున్నాడు. పీపుల్స్ మీడియా ఫ్యాక్టరీ సంస్థ నిర్మిస్తున్న ఈ సినిమాకు.. థమన్ సంగీతం అందిస్తున్నాడు. ఈ మూవీలో కేతిక శర్మ, ప్రియా ప్రకాష్ వారియర్ హీరోయిన్లుగా నటిస్తున్నారు. మాటల మాంత్రికుడు త్రివిక్రమ్ శ్రీనివాస్ మాటలు, స్క్రీన్ ప్లే అందిస్తున్నాడు. ఇక ఈ సినిమాతో పాటు సుజీత్ దర్శకత్వంలో తెరకేకుతున్న ఓజీ, హరీష్ శంకర్‌తో ఉస్తాద్ భగత్ సింగ్ సినిమాలు చేస్తున్నారు పవర్ స్టార్. కానీ క్రిష్ హరిహర వీరమల్లు నుంచి ఎలాంటి అప్డేట్స్ బయటికి రావడం లేదు.
