రిలీజ్‌కు ముందే హిస్టరీ క్రియేట్ చేస్తోంది ఆదిపురుష్ సినిమా(Adipurush Movie). టీజర్, ట్రైలర్, సాంగ్ ఏది రిలీజ్ అయినా కూడా.. సరికొత్త రికార్డులు క్రియేట్ చేస్తున్నాయి. ఏ ఫ్లాట్ ఫామ్ తీసుకున్నా రికార్డులన్నీ తిరగరాస్తోంది ఆదిపురుష్. ఇక ఈ సినిమా రిలీజ్ టైం దగ్గర పడుతున్నా కొద్ది ప్రమోషన్స్ స్పీడప్ చేశారు మేకర్స్. ఈ నేపథ్యంలో చరిత్రలో నిలిచిపోయేలా ఆదిపురుష్ ప్రీ రిలీజ్ ఈవెంట్‌ను నిర్వహించేందుకు ఏర్పాట్లు జరుగుతున్నాయి. జూన్ 16న ఆదిపురుష్(Adipurush Movie) రిలీజ్ అవుతుండగా.. జూన్ 6న వెంకటేశ్వరుని సన్నిధిలో.. తిరుపతిలోని శ్రీ వెంకటేశ్వర యూనివర్శీటి స్టేడియంలో చాలా గ్రాండ్‌గా ప్రీ రిలీజ్ ఈవెంట్ నిర్వహించబోతున్నారు.
చదవండి: Actor Kollam Sudhi: కారు ప్రమాదంలో ప్రముఖ బుల్లితెర నటుడు దుర్మరణం
సినిమా(Adipurush Movie) మేకింగ్ కోసం 500 కోట్ల వరకు ఖర్చు చేసిన మేకర్స్.. ప్రీ రిలీజ్ ఈవెంట్‌కు రెండు కోట్ల వరకు ఖర్చు చేస్తున్నారట. గతంలో ఏ ప్రీ రిలీజ్ ఈవెంట్ జరగని విధంగా ఆదిపురుష్ ఈవెంట్ ఉంటుందని అంటున్నారు. ప్రభాస్‌ను రాముడిగా చూసేందుకు.. కొన్ని వేల మంది అభిమానులు ఈవెంట్‌కు వచ్చే ఛాన్స్ ఉంది. ఇప్పటికే ఫ్యాన్స్‌కు ఈవెంట్ పాసులు అందించారు. ఈ ఈవెంట్ కోసం 200 మంది సింగర్లు.. 200 మంది డ్యాన్సర్లను రంగంలోకి దింపుతున్నారట. అంతేకాదు ఈ ఈవెంట్ కోసం ప్రత్యేకంగా బాణాసంచా తయారు చేయిస్తున్నారట.
చదవండి: Turkey:లో సమంత బిజీ బిజీ.. ఏం చేస్తోందో తెలుసా?
ఈ ఫైర్ క్రాక్స్‌ పేలినప్పుడు ‘జై శ్రీరామ్’ అనే సౌండ్ వచ్చేలా ప్లాన్ చేస్తున్నారట. కేవలం ఈ బాణసంచాల కోసమే యాభై లక్షలు ఖర్చు చేసినట్లు తెలుస్తుంది. ఇలాంటి ఈవెంట్‌కు చిన జియర్ స్వామి(Chinna Jeeyar Swamy) గెస్ట్‌గా రానున్నట్లు ప్రకటించారు మేకర్స్. దీంతో చిన్న జీయర్ స్వామి సినిమాకు సంబంధించిన వేడుకకు రావడం ఇదే తొలిసారి అని చెప్పాలి. ఇది ఆదిపురుష్ ఈవెంట్‌కు చాలా స్పెషల్‌గా నిలవనుంది. మొత్తంగా జూన్ 6న తిరుపతి జై శ్రీరామ్ నామస్మరణతో మార్మోగిపోతుందనడంలో ఎలాంటి డౌట్స్ అక్కర్లేదు.
