Actor Kollam Sudhi: కారు ప్రమాదంలో ప్రముఖ బుల్లితెర నటుడు దుర్మరణం

సినీ ఇండస్ట్రీ(Cine Industry)లో మరో విషాదం నెలకొంది. ప్రముఖ బుల్లితెర నటుడు కొల్లం సుధి(Actor Kollam Sudhi) సోమవారం కారు ప్రమాదంలో మృతి చెందారు. కేరళలోని త్రిసూర్‌లో ప్రయాణిస్తుండగా కైపమంగళం వద్ద సుధి ప్రయాణిస్తున్న కారు ప్రమాదానికి(Car Accident) గురైంది. ఈ ప్రమాదంలో ఆయన దుర్మరణం చెందినట్లు నటుడు కళాభవన్ షాజోన్ తన ఇన్‌స్టాగ్రామ్‌ ఖాతా ద్వారా తెలిపారు. కారు ప్రమాదానికి గురైన సమయంలో సుధితోపాటు మరో ముగ్గురు కూడా ఉన్నట్లు పోలీసులు తెలిపారు. వారిని ఉల్లాస్ అరూర్, బిను ఆదిమాలి, మహేష్‌గా గుర్తించామని పోలీసులు తెలిపారు.

కారు ప్రమాదంలో మృతిచెందిన కొల్లం సుధి: 

 

View this post on Instagram

 

A post shared by Aju Varghese (@ajuvarghese)

కారు ట్రక్కును ఢీకొనడం వల్ల ప్రమాదం(Car Accident) సంభవించినట్లు పోలీసులు నిర్దారించారు. ఈ ఘటనలో మలయాళీ నటుడు సుధి(Actor Sudhi) ప్రాణాలు కోల్పోయారు. మిగిలిన ముగ్గురు తీవ్రంగా గాయపడి ప్రస్తుతం ఆసుపత్రిలో చికిత్స పొందుతున్నారు. వారి ఆరోగ్యం ప్రస్తుతం నిలకడగా ఉందని అధికారులు తెలిపారు. కొల్లం సుధీ మృతి పట్ల కేరళ ముఖ్యమంత్రి పినరయి విజయన్(CM Pinarai vijayan) సంతాపం తెలిపారు. పలువురు సినీ ప్రముఖులు, అభిమానులు సోషల్ మీడియా(Social Media) వేదికగా ఆయనకు సంతాపం తెలుపుతున్నారు.

చదవండి: Turkey:లో సమంత బిజీ బిజీ.. ఏం చేస్తోందో తెలుసా?

నటుడు కొల్లం సుధి(Actor Kollam Sudhi) పలు టీవీ సీరియల్స్‌(Serials)లో నటించారు. ఆయన నటనకు మంచి గుర్తింపు లభించింది. రెండు మళయాల సినిమా(Movies)ల్లో కూడా ఆయన నటించి మెప్పించారు. కేరళ ఇండస్ట్రీలోని సినీ ప్రముఖులకు కొల్లమ్ సుధి సుపరిచితుడు. పలు సీరియల్స్‌కు ఆయన మాటల సహకారం కూడా అందించారు. ఆయన మృతి పట్ల తోటి నటీనటులు సంతాపం తెలుపుతున్నారు.