Actor Vishal: తమిళ స్టార్ హీరో ద‌ళ‌ప‌తి విజయ్ తమిళ వెట్రి కళగం పేరిట పార్టీని ప్రకటించిన సంగతి తెలిసిందే. విజయ్ బాటలోనే తాజాగా మరో తమిళ హీరో రాజకీయాల్లోకి వస్తున్నారంటూ జోరుగా ప్రచారం జరుగుతోంది. ప్రముఖ నటుడు విశాల్‌ త్వరలో పొలిటికల్‌ ఎంట్రీ ఇవ్వబోతున్నారంటూ టాక్‌ నడుస్తోంది. పార్టీ ఏర్పాటుకు విశాల్‌ సన్నాహాలు మొదలు పెట్టినట్లు సమాచారం. పార్టీ ఏర్పాటుకు గ్రౌండ్‌ వర్క్‌ కూడా సిద్ధం చేసుకుంటున్నట్లు తెలుస్తోంది. 2026 అసెంబ్లీ ఎన్నికలే టార్గెట్‌గా రాజకీయ ఎంట్రీ ఉండబోతోందని జోరుగా ప్రచారం సాగుతోంది. విశాల్‌ పొలిటికల్‌ ఎంట్రీపై త్వరలో అధికారిక ప్రకటన వచ్చే అవకాశం ఉందని తమిళనాట టాక్‌ వినిపిస్తోంది. అతి త్వరలోనే ఆయన తన పార్టీ పేరును కూడా ప్రకటించబోతున్నారని సమాచారం.
ఇది కూడా చూడండి: Sandeep Reddy Vanga: బాలీవుడ్‌ను కుదిపేస్తున్న సందీప్ రెడ్డి వంగా కామెంట్స్… వైరల్
తమిళనాడు రాజకీయాలపై విశాల్‌ చాలా ఏళ్లుగా ఆసక్తిగా ఉన్నారు. గతంలో చెన్నై ఆర్కే నగర్‌ అసెంబ్లీ ఉప ఎన్నికల్లో పోటీ చేసేందుకు విశాల్‌ నామినేషన్‌ కూడా వేశారు. కానీ కొన్ని కారణాల రీత్యా ఆ నామినేషన్‌ తిరస్కరణకు గురైంది. విశాల్‌ ప్రస్తుతం ‘విశాల్‌ పీపుల్స్‌ హెల్త్‌ మూమెంట్‌’ పేరుతో ప్రజలకు సేవ చేస్తున్న విషయం తెలిసిందే. చెన్నైలో వరదలు ఇతర విపత్తు సమయంలో ప్రజలను ఆదుకుంటున్నారు. గతంలో ఓ సారి విశాల్‌ మాట్లాడుతూ.. నేను రాజకీయాల్లోకి రావడం ఖాయం. అయితే నా రాజకీయ ప్రవేశం ఎప్పుడన్నది ఇప్పుడే చెప్పలేను. సమాజసేవ చేసేందుకే రాజకీయాల్లోకి అడుగు పెడతానని విశాల్‌ స్పష్టం చేసిన విషయం తెలిసిందే. ఈ నేపథ్యంలో ఇప్పుడు ఆయన పొలిటికల్‌ ఎంట్రీ ఖాయమనే తెలుస్తోంది.
ఇది కూడా చూడండి: Flop Movies: ప్లాప్ మూవీలకు సీక్వెల్స్ అవసరమా..?
