కుర్చీతాత అరెస్ట్ అయ్యాడు. ఆయన్ని హైదరాబాద్ జూబ్లీహిల్స్ పోలీసులు అదుపులోకి తీసుకున్నట్లు తెలుస్తోంది. కుర్చీని మడతపెట్టి..అనే డైలాగ్ ద్వారా ఆయన సోషల్ మీడియాలో సెన్సేషన్ క్రియేట్ చేసిన సంగతి తెలిసిందే. మహేష్ బాబు నటించిన గుంటూరు కారం సినిమాలో కూడా కుర్చీని మడత పెట్టి అనే పదాన్ని పాటలో ఉపయోగించారు. ఆ పదాన్ని వాడినందుకు మ్యూజిక్ డైరెక్టర్ థమన్ కూడా ఆయనకు కొంత అమౌంట్ ఇచ్చారు.
చదవండి:Nitin: నితిన్ కొత్త సినిమా ఫస్ట్ లుక్ టైం ఫిక్స్!
తాజాగా కుర్చీతాతను పోలీసులు అదుపులోకి తీసుకున్నట్లు సమాచారం. నటి స్వాతి నాయుడు, వైజాగ్ సత్య ఫిర్యాదు మేరకు కుర్చీతాతను అరెస్ట్ చేసినట్లు తెలుస్తోంది. తమని బూతులు తిడుతూ వీడియోలు పెడుతున్నాడని, తన డబ్బుల్ని కాజేసి వైజాగ్ పారిపోయినట్లుగా ప్రచారం చేస్తున్నాడని వైజాగ్ సత్య ఫిర్యాదు చేసినట్లుగా సమాచారం. పోలీసు కంప్లైంట్ ఇవ్వడంతో కుర్చీతాతను అదుపులోకి తీసుకుని విచారిస్తున్నట్లు తెలుస్తోంది.
చదవండి:Trisha: షాకింగ్.. స్టార్ హీరోతో త్రిష పెళ్లి?
వైజాగ్ సత్య సాయంతోనే కుర్చీతాత థమన్ ను కలిశాడు. వైజాగ్ సత్య వల్ల తనకు చాలా మేలు జరిగిందని పలు ఇంటర్వ్యూలో కూడా కుర్చీతాత చెప్పుకొచ్చాడు. అయితే ఇప్పుడు ఇలా అరెస్ట్ కావడం ఏంటని పలువురు నెటిజన్లు, అభిమానులు సందేహం వ్యక్తం చేస్తున్నారు. గత 2 రోజుల నుంచి కుర్చీతాత కోసం పోలీసులు వెతికి బుధవారం ఆయన్ని అరెస్ట్ చేసినట్లుగా వైజాగ్ సత్య తెలిపాడు. ఈ ఘటనపై మరిన్ని వివరాలను పోలీసులు తెలియజేయాల్సి ఉంది.
