Rajneena Majaka.. Jailor release day is a holiday!
Jailer 2 : వరుస డిజాస్టర్‌ ఫ్లాపులతో కెరీర్‌లో డల్‌ ఫేజ్‌లో ఉన్న రజనీకాంత్ పని అయిపోయినట్టే అనుకున్నారు అభిమానులు. అయితే అలాంటి టైంలో ‘జైలర్’ సినిమా అతడికి ఎలాంటి కిక్ ఇచ్చిందో ప్రత్యేకంగా చెప్పనక్కర్లేదు. ప్రముఖ దర్శకుడు నెల్సన్ దిలీప్ కుమార్ దర్శకత్వం వహించిన ఈ చిత్రం గత సంవత్సరం సాధారణ అంచనాలతో విడుదలైంది. బాక్సాఫీస్ వద్ద మొదటి ఆట నుండి బ్లాక్ బస్టర్ టాక్‌ను పొందింది. అంతే కాకుండా కళ్లు చెదిరే కలెక్షన్లను రాబట్టింది. ఫుల్ రన్‌లో 650 కోట్ల రూపాయలు వసూలు చేసింది. సౌత్ లో ఇప్పటి వరకు ఒక్క ప్రెస్టీజియస్ మూవీ కూడా ఈ కలెక్షన్స్ ని క్రాస్ చేయలేకపోయింది. విజయ్ లియో సినిమా కచ్చితంగా ఈ సినిమా డబ్బులు ఇస్తుందని అనుకున్నారు. కానీ ఓ కొలిక్కి వచ్చి ఆగిపోయింది. ఆ తర్వాత అందరి చూపు ‘సలార్’ మీద పడింది. భారీ కాంబినేషన్ కాబట్టి ఈ చిత్రం కచ్చితంగా ‘జైలర్’ ని క్రాస్ చేస్తుందని అనుకున్నారు. కానీ పాజిటివ్ టాక్ తో కూడా దరిదాపుల్లోకి కూడా రాలేదు. ఇలా వచ్చిన సినిమాలేవీ కూడా జైలర్ ని అందుకోలేకపోయాయి.
చదవండి:Shoaib Malik: మాలిక్ పెళ్లిపై స్పందించిన సానియా ఫ్యామిలీ!
ఇంత బజ్ క్రియేట్ చేసిన జైలర్ కు సీక్వెల్ త్వరలో రాబోతోందని ఆ చిత్ర దర్శకుడు నెల్సన్ దిలీప్ కుమార్ ఇటీవల ఓ ఇంటర్వ్యూలో తెలిపారు. ఈ సందర్భంగా జైలర్ మాట్లాడుతూ, సీక్వెల్‌కి కావాల్సిన కోర్‌ పాయింట్‌ని కనుగొన్నానని, తప్పకుండా ఈ కథ మొదటి భాగం కంటే మరింత ఆసక్తికరంగా, పవర్‌ఫుల్‌గా ఉంటుందని అన్నారు. ప్రస్తుతం రజనీకాంత్ జ్ఞానవేల్ దర్శకత్వంలో ఓ సినిమా చేస్తున్నాడు. ఈ సినిమా తర్వాత లోకేష్ కనకరాజ్ తో మరో సినిమా చేయనున్నాడు. ఈ రెండు సినిమాల తర్వాత ‘జైలర్ 2’ మొదలయ్యే అవకాశాలున్నాయి.
చదవండి:Bharat Jodo Nyay Yatra : అసోంలో కాంగ్రెస్ నేత జైరాం రమేష్ కారుపై బీజేపీ కార్యకర్తల దాడి
