New Year Party.. Police restrictions
New Year: 2024 నూతన సంవత్సర వేడుకల(New Year Party)కు సంబంధించి సైబరాబాద్(Cyberabad) పోలీసులు కొన్ని ఆంక్షలు విధించారు. ముఖ్యంగా యువతను ఉద్దేశించి ఇతరులకు ఇబ్బంది కలగకుండా కొత్త సంవత్సరపు వేడుకలు జరుపుకోవాలని సైబరాబాద్ పోలీసులు సూచించారు. ఈ నేపథ్యంలో 31వ తేదీ రాత్రి పది గంటల నుంచి జనవరి 1 తెల్లవారు ఐదు గంటల వరకు ఔటర్ రింగ్ రోడ్డు, పీవీ ఎక్స్‌ప్రెస్ వే వంతెనను మూసివేస్తున్నట్లు వెల్లడించారు. కేవలం విమానాశ్రయాలకు వెళ్లే వాహనాలను మాత్రమే అనుమతించనున్నట్లు పేర్కొన్నారు.
చదవండి:Director Shankar: ‘ఇండియన్ 2’ షూటింగ్ అప్డేట్.. మరి ‘గేమ్ చేంజర్’?
శిల్ప లేఅవుట్, గచ్చిబౌలి, బయో డైవర్సిటీ, షేక్ పేట, మైండ్ స్పేస్, సైబర్ టవర్, ఫోరమ్ మాల్, జేఎన్టీయూ, ఖైత్లాపూర్, బాలానగర్ ఫ్లై ఓవర్లతో పాటు దుర్గం చెరువు తీగల వంతెనలను 31వ తేదీ రాత్రి పదకొండు గంటల నుంచి ఒకటో తారీఖు ఉదయం ఐదు గంటల వరకు మూసివేస్తున్నట్లు తెలిపారు. క్యాబ్, ఆటో డ్రైవర్లు తప్పనిసరిగా యూనిఫామ్ ధరించాలని, మద్యం తాగి వాహనాలు నడిపితే కఠిన చర్యలు ఎదుర్కోవలసి ఉంటుందని హెచ్చరించారు. నిబంధనలు ఉల్లంఘించిన వారి వివరాలను 9490617346 నెంబర్‌కు వాట్సప్ చేయమని తెలిపారు.
చదవండి:Allu Arjun.. మాస్ ప్రాజెక్ట్ ఫిక్స్ అయినట్టే?
