Hero Vijay Devarakonda team complaint against YouTuber that person arrested
టాలీవుడ్ యంగ్ హీరో విజయ్ దేవరకొండ( Vijay Devarakonda), ఓ హీరోయిన్ గురించి ఇటివల ఒక యూట్యూబర్ తప్పుదోవ పట్టించే సమాచారాన్ని ప్రచారం చేసిన నేపథ్యంలో ఆ యూట్యూబర్‌పై విజయ్ టీం పోలీసులకు ఫిర్యాదు చేసింది. దీంతో కేసు నమోదు చేసిన పోలీసులు ఆ యూట్యూబర్‌ని అరెస్ట్ చేశారు. ఈ క్రమంలో అతను తన ఛానెల్ నుంచి పేర్కొన్న వీడియోను తొలగించారు. నటుడి బృందం సభ్యుడు మాట్లాడుతూ, ‘కొన్ని రోజుల క్రితం ఆ వ్యక్తి విజయ్, మరో నటికి సంబంధించిన అసభ్యకరమైన వార్తలను వ్యాప్తి చేశాడని పేర్కొన్నారు.
అగౌరవపరిచే వార్త తమ దృష్టికి తీసుకురావడంతో పోలీసులకు తెలుపగా వారు వెంటనే స్పందించారని వెల్లడించారు. ఈ నేపథ్యంలో విజయ్ బృందం మాట్లాడుతూ, ‘భవిష్యత్తులో ఇటువంటి సంఘటనలు జరగకుండా నివారణ చర్యలు తీసుకుంటున్నామని చెప్పారు. అతను విజయ్ గురించి పుకార్లు పుట్టించడం అలవాటు చేసుకున్నాడని…కానీ కొన్నిసార్లు పరిధి దాటి వీడియోలు చేయడం వల్ల ఫిర్యాదు చేసినట్లు వారు వెల్లడించారు. విజయ్ దేవరకొండ పరశురామ్ పెట్ల దర్శకత్వంలో మృణాల్ ఠాకూర్‌తో కలిసి ‘ఫ్యామిలీ స్టార్’లో యాక్ట్ చేస్తున్నారు. ఈ చిత్రం వచ్చే ఏడాది సంక్రాంతికి విడుదల కానుంది. మరోవైపు హీరోయిన్ రష్మిక మందన్నతో కూడా ఓ సినిమా చేస్తున్నాడు. ఇంకా టైటిల్ ఖరారు చేయని ఈ ప్రాజెక్ట్‌కి గౌతమ్ తిన్ననూరి దర్శకత్వం వహించనున్నారు.
ఇది కూడా చూడండి: HBDRanaDaggubati: హ్యాపీ బర్త్ డే రానా..క్రేజీ పోస్టర్ రిలీజ్
