Afghanistan: ఆఫ్గానిస్ధాన్‌లో బాలికలు పాఠశాలలకు వెళ్లకూడదనే రూల్ ఉంది. ఆఫ్గానిస్థాన్ విదేశాంగ డిప్యూటీ మినిస్టర్ షేర్ మహమ్మద్ అబ్బాస్ స్టానిక్జాయ్ ఆసక్తికర వ్యాఖ్యలు చేశారు. తాలిబన్లకు ప్రజలు దూరం కావడానికి మహిళల విద్యపై ఆంక్షలు విధించడమే కారణమని తెలిపారు. విద్యాసంస్ధల్లో చదివిన విద్యార్థుల కోసం నిర్వహించిన స్నాతకోత్సవంలో పాల్గొన్న అబ్బాస్ ఈ కామెంట్స్ చేశారు. బాలికలు చదువుకోవడానికి పాఠశాలలను మళ్లీ తెరవాలని అన్నారు.
ఇది కూడా చూడండి: Video Viral: దేవుళ్లకు చలి..స్వెటర్లు, శాలువాలు ఏర్పాటు!
జ్ఞానం లేని సమాజం చీకటితో సమానం అని అబ్బాస్ అభిప్రాయ పడ్డారు. దేవుడు ప్రజలకు కల్పించిన సహజమైన హక్కు విద్య.. ప్రతి ఒక్కరికి కావాలి. దీనిని ప్రజల నుంచి ఎలా దూరం చేయగలరు? దీనిని ఎవరైనా అతిక్రమిస్తే.. ఆఫ్గానిస్థాన్ ప్రజలకు వ్యతిరేకంగా వ్యవహరించడమే అవుతుందన్నారు. అందరూ చదువుకోవాంటే మళ్లీ విద్యాసంస్ధలు తెరిచే ప్రయత్నం చేయాలి. చదువుపై ఆంక్షల వల్ల పొరుగు దేశాలు దూరం అవుతున్నాయి. ప్రజలు ప్రభుత్వం పట్ల ఇబ్బంది పడుతున్నారంటే దానికి కారణం చదువు లేకపోవడమే అన్నారు.
ఇది కూడా చూడండి: CM Revanth: ప్రజా దర్బార్‌కు విశేష స్పందన
రెండేళ్ల కిందట ఆఫ్గానిస్థాన్‌లో పౌర ప్రభుత్వాన్ని కూల్చి, తాలిబన్లు అధికారం చేపట్టారు. మహిళలు, బాలికల విద్యపై ఆంక్షలు విధించారు. ఆరో తరగతికి మించి చదవాల్సిన అవసరం లేదని ఆదేశాలు జారీ చేశారు. దీనిపై విమర్శలు వచ్చాయి. ప్రస్తుతం మహిళల విద్యపై తాలిబన్ మంత్రి చేసిన వ్యాఖ్యలు చర్చనీయాంశంగా మారాయి.
ఇది కూడా చూడండి: Nirmala Seetharaman: వచ్చే బడ్జెట్‌లో అద్భుత ప్రకటనలుండవు
