సూర్యుడిపై అతి పెద్ద రంధ్రాన్ని సైంటిస్టులు గుర్తించారు. ఈ మధ్యకాలంలో సూర్యుడి ఉపరితలం గందరగోళంగా మారిందని, సౌర తుఫానుల తీవ్రత ఎక్కువగా పెరిగిందని శాస్త్రవేత్తల పరిశోధనల్లో తేలింది. సూర్యుడు తన 11 ఏళ్ల సోలార్ సైకిల్ ప్రక్రియలో చివరి దశకు చేరుకున్నాడని, ఈ తరుణంలో సూర్యుడి ఉపరితలం మరింత క్రియాశీలకంగా మారనున్నట్లు పరిశోధకులు అంచనా వేశారు. సూర్యుడు ప్రతీ సోలార్ సైకిల్‌కి తన అయస్కాంత క్షేత్రాన్ని సూర్యుడు మార్చుకుంటూ ఉంటాడు.
☀️ | Massive Sun Breach: A vast hole in the sun's atmosphere, almost 800,000 km long, is expelling solar wind towards Earth.
NASA's SDO documented this coronal hole, revealing missing hot gas. The solar wind, en route to Earth, is expected on Dec. 4th/5th.
Brace for Impact:… pic.twitter.com/pPFKzO7X2I
— Breaking News (@PlanetReportHQ) December 4, 2023
చదవండి: Kim Jong Un: నార్త్ కొరియా అధ్యక్షుడు కిమ్ కంట కన్నీరు.. వీడియో వైరల్!
నార్త్ పోల్ సౌత్‌గా, సౌత్ పోల్ నార్త్‌గా మారుతున్నప్పుడు సన్ స్పాట్స్ ఎక్కువగా ఏర్పడుతుంటాయి. ఆ సమయంలో అయస్కాంత క్షేత్రం మరింత శక్తివంతంగా మారుతూ ఉంటుంది. సూర్యునిపై పేలుళ్లు ఏర్పడటం వల్ల ఆ పదార్థాలు అంతరిక్షంలోకి వెలువడతాయి. ఇప్పటికే కరోనల్ హోట్ సూర్యుని ఉపరితలంపై గరిష్ట పరిమాణంలోకి చేరింది. నిజానికి అది రంధ్రం కాదని, ప్రకాశవంతమైన సూర్యుడి వెలుగులో నల్లగా ఉండే ప్రాంతం రంధ్రంగా కనిపిస్తోందని పరిశోధకులు తెలిపారు.
చదవండి: Earthquake: ఫిలిప్పీన్స్‌లో భూకంపం.. రాజధానిని ఖాళీ చేయాలంటూ ఆదేశాలు
ప్రస్తుతం ఆ హోల్ ఏకంగా 4,97,000 మైళ్ల వెడల్పుకు చేరిందని ఖగోళ పరిశోధకులు స్పష్టం చేశారు. ఆ రంధ్రం సూర్యునికి అభిముఖంగా ఉండటం మరింత ఆందోళన కలిస్తోందని, దానివల్ల భూగ్రహం దిశగా వేగవంతమైన సౌరగాలులు ప్రసారం కానున్నట్లు సైంటిస్టులు తెలిపారు. డిసెంబర్ 2వ తేదిన సూర్యుడి భూమధ్య రేఖకు సమీపంలోనే ఈ కరోనల్ హోల్ ఉద్భవించిందని, ఆ రంధ్రంలో భూమి పరిణామం ఉన్న 60 గ్రహాలను పెట్టొచ్చని సైంటిస్టులు అంచనా వేశారు. ఈ రంధ్రం ద్వారా భారీ ఎత్తున సౌరగాలులు భూమి పైకి ప్రసరిస్తాయని పరిశోధకులు ఆందోళన చెందుతున్నారు.
