ఆస్ట్రేలియాతో నేడు 2వ టీ20 మ్యాచ్ జరగనుంది. ఈ టీ20 సిరీస్‌లో ఇప్పటికే ఒక మ్యాచ్లో భారత్ విజయం సాధించిన సంగతి తెలిసిందే. సూర్యకుమార్ యాదవ్ కెప్టెన్సీలో తొలి మ్యాచ్లో టీమిండియా విజయం సాధించింది. ఆదివారం తిరువనంతపురంలోని గ్రీన్ ఫీల్డ్ ఇంటర్నేషనల్ స్టేడియంలో రెండో టీ20 మ్యాచ్ జరగనుంది. ఇందుకోసం భారత్, ఆస్ట్రేలియా జట్టు ఇప్పటికే తిరువనంతపురం స్టేడియానికి చేరుకుని కసరత్తులు ప్రారంభించారు.
చదవండి: Muttiah Muralidharan: అలా చేస్తే రోహిత్ టీ20 వరల్డ్ కప్ ఆడే ఛాన్స్ ఉంది
నేడు జరగబోయే ఈ మ్యాచ్‌కు వర్షం అంతరాయం కలిగించే అవకాశం ఉంది. గత కొన్ని రోజులుగా తిరువనంతపురంలో భారీ వర్షాలు కురుస్తున్న సంగతి తెలిసిందే. వెదర్ రిపోర్ట్ ప్రకారంగా నవంబర్ 26వ తేదిన వర్షం కురిసే అవకాశం ఉంది. నిన్న కూడా భారీ వర్షాలు కురవడంతో స్టేడియంలో వర్షపు నీరు నిలిచాయి. ఈ తరుణంలో నేడు మ్యాచ్ జరుగుతుందో లేదోనని సందేహం కూడా ఉంది. ప్రస్తుతం 5 మ్యాచ్‌ల టీ20 సిరీస్‌లో 1-0 ఆధిక్యంలో భారత్ ముందంజలో ఉంది.
చదవండి: Australia: ఆస్ట్రేలియా ప్లేయర్‌ మిచెల్ మార్ష్ పై ఢిల్లీలో కేసు నమోదు!
టీమిండియా జట్టు ఇదే: రుతురాజ్ గైక్వాడ్, యశస్వి జైస్వాల్, ఇషాన్ కిషన్(w), సూర్యకుమార్ యాదవ్(c), తిలక్ వర్మ, రింకూ సింగ్, అక్షర్ పటేల్, రవి బిష్ణోయ్, అర్ష్‌దీప్ సింగ్, ముఖేష్ కుమార్, ప్రసిద్ధ్ కృష్ణ
ఆస్ట్రేలియా జట్టు: మాథ్యూ షార్ట్, స్టీవెన్ స్మిత్, జోష్ ఇంగ్లిస్, ఆరోన్ హార్డీ, మార్కస్ స్టోయినిస్, టిమ్ డేవిడ్, మాథ్యూ వేడ్(w/c), సీన్ అబాట్, నాథన్ ఎల్లిస్, జాసన్ బెహ్రెన్‌డార్ఫ్, తన్వీర్ సంఘ
