ఇంగ్లాండ్ జట్టుతో జరుగుతున్న టెస్ట్ మ్యాచ్‌లో టీమిండియా 436 పరుగులకు ఆలౌట్ అయ్యింది. హైదరాబాద్ లోని ఉప్పల్ స్టేడియంలో ఈ తొలి టెస్ట్ జరుగుతోంది. తొలి టెస్టు తొలి ఇన్నింగ్స్ లో భారత జట్టు 436 పరుగులు సాధించి ఇంగ్లాండ్ జట్టుపై 190 పరుగుల భారీ ఆధిక్యతతో ఉంది. టీమిండియా బ్యాటర్లలో జడేజా 87, కేఎల్ రాహుల్ 86, యశస్వి జైశ్వాల్ 80, అక్సర్ పటేల్ 44, శిఖర్ భరత్ 41 పరుగులు సాధించి స్కోరును ముందుకు కదిలించారు.
ఇది కూడా చూడండి: Minister Roja: తెలంగాణలో ఛీ కొడితే షర్మిల ఏపీకి వచ్చింది : మంత్రి రోజా
ఈ ఇన్నింగ్స్‌లో కెప్టెన్ రోహిత్ శర్మ 24 పరుగులు మాత్రమే చేసి అభిమానులను నిరాశపరిచాడు. ఇంగ్లాండ్ జట్టు బౌలర్లలో జోరూట్ 79 పరుగులు ఇచ్చి 4 వికెట్లను పడగొట్టాడు. రెహాన్ అహ్మద్, టామ్ హార్ట్లీ చెరో రెండు వికెట్లను తమ ఖాతాలో వేసుకున్నారు. మరో బౌలర్ జాక్ లీచ్ ఓ వికెట్ తీశాడు.
ఇది కూడా చూడండి: Kriti Shetty: శ్రీలీల అంటూ కృతి శెట్టికి దిమ్మతిరిగే షాక్ ఇచ్చాడు!
మరోవైపు భారత బౌలర్లు అటు బ్యాటింగ్ లోనూ రాణించారు. బ్యాటింగ్, బౌలింగ్ లోనూ జడేజా, అక్సర్ పటేల్ రాణించడం విశేషం. ఇంగ్లాండ్ తొలి ఇన్నింగ్స్ లో జడేజా 3, అక్సర్ పటేల్ 2 వికెట్లను పడగొట్టారు. మొదటి ఇన్నింగ్స్ లో ఇంగ్లాండ్ జట్టు 246 పరుగులు చేసి ఆలౌట్ అయ్యింది. భారత్ 436 పరుగులు చేసింది. దీంతో 190 పరుగుల ఆధిక్యంతో భారత జట్టు ఉంది. ప్రస్తుతం ఇంగ్లాండ్ జట్టు తన రెండో ఇన్నింగ్స్ ను ప్రారంభించింది.
