తెలంగాణ (Telangana)లో మరో మూడు రోజుల పాటు భారీ వర్షాలు (Heavy Rains) కురువనున్నట్లు భారత వాతావరణ విభాగం హైదరాబాద్ శాఖ ప్రకటించింది. బంగాళాఖాతంలో ఉపరితల ఆవర్తనం ఏర్పడిందని, దాని వల్ల వచ్చే మూడు రోజుల పాటు రాష్ట్రంలో మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ (Weather Department) వెల్లడించింది. పలుచోట్ల ఉరుములు, మెరుపులతో కూడిన వర్షాలు కురిసే అవకాశం ఉందని తెలిపింది.
చదవండి: Pawan kalyan: తెలంగాణ ఎన్నికల ప్రచారంలో జనసేన..రేపటి నుంచి పవన్ పర్యటన
తెలంగాణ వైపు గాలులు వీస్తున్నాయని, వాటి ప్రభావంతో గ్రేటర్ హైదరాబాద్‌లో స్వల్పంగా ఉష్ణోగ్రతలు (Temperature) తగ్గుముఖం పట్టాయని, గరిష్ఠంగా 31.3 డిగ్రీలు, కనిష్ఠంగా 19.1 డిగ్రీలు నమోదవుతున్నట్లు హైదరాబాద్ వాతావరణ కేంద్రం వెల్లడించింది. నవంబర్ 23వ తేది నుంచి 26వ తేది వరకూ మేఘావృతమై ఉంటుందని, చలిగాలుల ప్రభావం ఎక్కువగా ఉంటుందని వాతావరణ శాఖ తెలిపింది. ప్రస్తుతం గాలిలో తేమ 41 శాతం ఉందని, చల్లటి గాలుల వల్ల వైరల్ ఫీవర్ వచ్చే అవకాశాలు ఉండటంతో పిల్లలు, వృద్ధులు జాగ్రత్తగా ఉండాలని వాతావరణ శాఖ సూచించింది.
చదవండి: Telangana Elections: తెలంగాణలో నేర చరిత్ర కలిగిన ఎన్నికల అభ్యర్థులు వీరే..డేటా విడుదల
పలు ప్రాంతాలో భీకర వర్షాలు (Heavy Rains) పడినా చాలాచోట్ల మోస్తరు వర్షపాతం నమోదయ్యే అవకాశం ఉందని వాతావరణ శాఖ అంచనా వేసింది. ఉదయం వేళ మంచు ప్రభావం ఉంటుందని, సాయంత్రం 5 గంటల తర్వాత వాతావరణం చీకటిగా మారుతుందని, ప్రజలంతా అప్రమత్తంగా ఉండాలని, ముఖ్యంగా లోతట్టు ప్రాంత ప్రజల జాగ్రత్తగా ఉండాలని వాతావరణ శాఖ (Weather Department) తెలిపింది.
