Devara.. Another solid update!
Devara: ట్రిపుల్ ఆర్ వంటి బ్లాక్ బస్టర్ తర్వాత ఎన్టీఆర్, ఆచార్య వంటి ఫ్లాప్ తర్వాత కొరటాల శివ కలిసి చేస్తున్న సినిమా దేవర. జనతా గ్యారేజ్ తర్వాత తారక్, కొరటాల చేస్తున్న సినిమా కావడంతో దేవర పై భారీ అంచనాలు ఉన్నాయి. సముద్రం బ్యాక్ డ్రాప్‌లో భారీ యాక్షన్ ఎంటర్టైనర్‌గా తెరకెక్కిస్తున్నాడు కొరటాల. రెండు భాగాలుగా రాబోతోంది దేవర. ఇప్పటికే భారీ యాక్షన్స్ సీక్వెన్స్ తెరకెక్కించిన కొరటాల.. రీసెంట్‌గా గోవాలో కీలక షెడ్యూల్ కంప్లీట్ చేశాడు. అక్కడ కొన్ని కీలక సన్నివేశాలతో పాటు ఓ సాంగ్ కూడా షూట్ చేసినట్టు సమాచారం. ఇక గోవా షెడ్యూల్ తర్వాత హైదరాబాద్‌కు వచ్చిన ఎన్టీఆర్.. ఫ్యామిలీతో కలిసి దీపావళి సెలబ్రేట్ చేసుకున్నాడు.
చదవండి: Prabhas maruthi: ‘ప్రభాస్-మారుతి’ షాకింగ్ బడ్జెట్?
మెగాస్టార్ చిరంజీవి ఇచ్చిన దీపావళి పార్టీలో ఫ్యామిలీతో సహా పాల్గొన్నాడు. అలా కాస్త గ్యాప్ ఇచ్చాడో లేదో.. మళ్లీ కెమెరా ముందుకు వచ్చేశాడు తారక్. తాజాగా ‘ఎపిక్ షెడ్యూల్’ షూటింగ్ జరుగుతుందని ట్వీట్ చేశారు మేకర్స్. ఈ షెడ్యూల్‌లో ఒక హ్యూజ్ యాక్షన్ ఎపిసోడ్‌తో పాటు కొంత టాకీ పార్ట్‌ని షూట్ చేయనున్నాడు కొరటాల శివ. నవంబర్ మంత్ ఎండింగ్ వరకు దేవర షూటింగ్ కంప్లీట్ చేసి.. నెక్స్ట్ పోస్ట్ ప్రొడక్షన్ వర్క్ పై ఫోకస్ చేయనున్నాడు కొరటాల. ఇక బాలీవుడ్ హాట్ బ్యూటీ జాన్వీ కపూర్ హీరోయిన్‌గా నటిస్తున్న ఈ సినిమాలో.. బాలీవుడ్ హీరో సైఫ్ అలీఖాన్ విలన్‌గా నటిస్తున్నాడు. కోలీవుడ్ యంగ్ సెన్సేషన్ అనిరుధ్ మ్యూజిక్ అందిస్తున్నాడు. ఏప్రిల్ 5న దేవర రిలీజ్ కానుంది.
