Rohit Sharma: వరల్డ్ కప్లో టీమిండియా జైత్రయాత్ర కంటిన్యూ అవుతోంది. ఈ రోజు జరిగే మరో లీగ్ మ్యాచ్ గెలిస్తే వరసగా అన్ని గెలిచినట్టు అవుతోంది. బ్యాట్స్ మెన్, బౌలర్లు అందరూ సమిష్టిగా రాణిస్తున్నారు. 2019లో సెమీ ఫైనల్లో న్యూజిలాండ్ మీద ఓడిపోగా.. ఈ సారి ఆ పగ తీర్చుకోవాలని భావిస్తోంది. టైటిల్ ముద్దడాలని రోహిత్ సేన (Rohit) పట్టుదలతో ఉంది.
లీగ్ దశలో ఈ రోజు నెదర్లాండ్స్తో తల పడనుంది. టీమిండియా కెప్టెన్ రోహిత్ శర్మ (Rohit Sharma) 12 పరుగులు చేస్తే కెప్టెన్గా అన్ని ఫార్మాట్లలో 14 వేల పరుగులను పూర్తి చేసుకొని రికార్డ్ సృష్టిస్తాడు. వన్డేలు, టీ 20, టెస్టులు, ఐపీఎల్ కలిపి 13, 988 రన్స్ చేశాడు. దీంతో పాటు 4 ఫోర్లు కొడితే కెప్టెన్గా వన్డేల్లో 100 ఫోర్లు పూర్తి చేసుకుంటాడు. 108 పరుగులు చేస్తే కెప్టెన్గా వన్డేల్లో 2 వేల రన్స్ పూర్తి చేస్తాడు. ఇప్పుడు హిట్ మ్యాన్ మంచి ఫామ్లో ఉన్నాడు. అతను సెంచరీ కొడితే అన్ని రికార్డులు సృష్టిస్తాడు. దాంతోపాటు భారీ విజయం సాధిస్తే వరల్డ్ కప్లో తిరుగులేని జట్టుగా నిలుస్తోంది.