తెలంగాణ (Telangana)కు వాతావరణ శాఖ హెచ్చరిక జారీ చేసింది. మరో నాలుగు రోజుల పాటు భారీ వర్షాలు పడనున్నట్లు వెల్లడించింది. ఆగ్నేయ అరేబియా సముద్రం, లక్షద్వీప్ ప్రాంతం నుంచి పశ్చిమ మధ్య బంగాళాఖాతం మధ్య అల్పపీడన ద్రోణి కొనసాగుతోందని, దాని ప్రభావంతో పలు రాష్ట్రాలో భారీ వర్షాలు (Heavy Rains) కురిసే అవకాశం ఉందని తెలిపింది. పలు చోట్ల ఈదుర గాలులతో కూడి వర్షాలు పడతాయని, ప్రజలు అప్రమత్తంగా ఉండాలని సూచించింది.
చదవండి: PM Modi: తెలంగాణలో బీజేపీ బీసీ సీఎం రాబోతున్నారు.. బీసీ ఆత్మగౌరవ సభలో మోదీ ప్రకటన
అల్పపీడనం ప్రభావంతో తెలంగాణ, ఆంధ్రప్రదేశ్, కేరళ, తమిళనాడు, కర్నాటక, అండమాన్‌ నికోబార్‌ దీవుల్లో భారీ వర్షాలు కురుస్తాయని వాతావరణ శాఖ వెల్లడించింది. ఈశాన్య రుతుపవనాల కారణంగా తెలంగాణలోని పలు జిల్లాల్లో తేలికపాటి నుంచి భారీ వర్షాలు కురుస్తాయని ఐఎండీ (IMD) హెచ్చరించింది. రాబోయే నాలుగు రోజులు భీకర వర్షాలు కురుస్తాయని, ప్రజలు జాగ్రత్తగా ఉండాలని తెలిపింది.
చదవండి: Chandrababu: కంటి ఆపరేషన్ పూర్తి..ఇంటికి చేరుకున్న చంద్రబాబు
తెలంగాణలోని హైదరాబాద్ (Hyderabad), మహబూబ్‌నగర్‌, వికారాబాద్‌, నల్లగొండ, సూర్యాపేట, నారాయణ పేట, రంగారెడ్డి జిల్లాల్లో భారీ వర్షాలు కురుస్తాయని, మేడ్చల్‌ మల్కాజిగిరి, వరంగల్‌, ములుగు, కొత్తగూడెం జిల్లాల్లో మోస్తరు వర్షాలు కురిసే అవకాశం ఉందని హైదరాబాద్ వాతావరణ శాఖ (Hyderabad Weather Department) తెలిపింది. రానున్న మూడు రోజుల్లో ఉష్ణోగ్రతల్లో స్వల్ప తగ్గుదల నమోదవుతుందని, పలు చోట్ల ఉరుములు, మెరుపులతో కూడిన వర్షాలు కురుస్తాయని వాతావరణ శాఖ వెల్లడించింది.
