కన్నడలో మొదలైన కాంతార క్రేజ్.. పాన్ ఇండియా స్థాయిలో దుమ్ములేపింది. కెజియఫ్ తర్వాత కన్నడ నుంచి భారీ బ్లాక్ బస్టర్ అందుకున్న సినిమాగా రికార్డ్ క్రియేట్ చేసింది. కేవలం 16 కోట్ల బడ్జెట్‌తో తెరకెక్కిన ఈ సినిమా.. 450 కోట్లు రాబట్టింది. ఈ లెక్కన హోంబలే ఫిల్మ్స్‌కు ఎన్ని లాభాలు తెచ్చిపెట్టిందో లెక్కలు వేసుకోండి. కన్నడ హీరో రిషబ్ శెట్టి నటించి, దర్శకత్వం వహించిన ఈ సినిమా.. క్లైమాక్స్‌లో ఆడియెన్స్‌ను ఓ ట్రాన్స్‌లోకి తీసుకెళ్లింది. అందుకే మరోసారి ఆ ట్రాన్స్‌లోకి వెళ్లడం కోసం ఈగర్‌గా వెయిట్ చేస్తున్నారు మూవీ లవర్స్. ఇప్పటికే కాంతార 2 ఉంటుందని చెప్పుకొచ్చారు మేకర్స్. అయితే ఎప్పుడుంటుందనే విషయంలో క్లారిటీ ఇవ్వలేదు.
ప్రస్తుతం రిషబ్ శెట్టి కాంతార 2 స్క్రిప్టు పనుల్లో బిజీగా ఉన్నాడని తెలుస్తోంది. అయితే తాజాగా రియల్ కాంతార సీన్‌ను తలపించేలా.. ఓ వీడియోని రిలీజ్ చేసింది కాంతార టీమ్. ఇది చూసిన తర్వాత కాంతార2 ట్రెండింగ్‌లోకి వచ్చేసింది. ఈ క్రమంలో కాంతార2 షూటింగ్, రిలీజ్ డేట్ గురించి ఓ న్యూస్ సోషల్ మీడియాలో వైరల్‌గా మారింది. ఇప్పటికే రిషబ్ శెట్టి.. షూటింగ్ కోసం కర్ణాటక కోస్టల్ ఫారెస్ట్‌ ఏరియాలో రీసెర్చ్ చేస్తున్నాడట. ఈ ఏడాది జూన్‌లో షూటింగ్ స్టార్ట్ చేయబోతున్నాడట. 2024.. అంటే వచ్చే ఏడాది సమ్మర్‌లో రిలీజ్‌కు ప్లాన్ చేస్తున్నారట. ఈ సినిమా కాంతార ప్రీక్వెల్‌గా రానుందని తెలుస్తోంది. ఇందులో భూతకోల సంప్రదాయం గురించి మరింత డెప్త్‌గా చెప్పనున్నారట.హోంబలే ఫిలింస్ కూడా కాంతారకు వచ్చిన క్రేజ్‌తో భారీ బడ్జెట్‌తో తెరకెక్కించబోతున్నారట. మరి కాంతార 2 ఎలాంటి వండర్స్ క్రియేట్ చేస్తుందో చూడాలి.
