ఓ వైపు చంద్రబాబు అరెస్ట్‌కు వ్యతిరేకంగా వివిధ కార్యక్రమాలు చేపడుతూనే మరోవైపు ఎన్నికలకు టీడీపీ సిద్ధమవుతోంది. తాగా టీడీపీ పొలిటికల్ యాక్షన్ కమిటీ నియామకం జరిగింది. 14 మంది సభ్యులతో ఈ కమిటీ నియామకం చేపట్టారు. చంద్రబాబు ఆదేశాలతో అచ్చెన్నాయుడు ఈ కమిటీ సభ్యుల పేర్లను ఆదివారం విడుదల చేశారు.
చదవండి: Hijras: రూ.వేలు వసూల్, చీరలు లాక్కుంటూ హిజ్రాల హల్‌చల్
కమిటీలో ఉన్నది ఎవరెవరంటే
యనమల రామకృష్ణుడు, అచ్చెన్నాయుడు, నారా లోకేష్, పయ్యావుల, బాలకృష్ణ, షరీఫ్, అయ్యన్నపాత్రుడు, నక్కా ఆనంద్ బాబు, నిమ్మల రామానాయుడు, కాలవ శ్రీనివాసులు, అనిత, బీసీ జనార్దన్ రెడ్డి, కొల్లు రవీంద్ర, బీద రవిచంద్రలు టీడీపీ పొలిటికల్ యాక్షన్ కమిటీ సభ్యులుగా నియమితులయ్యారు.
చదవండి: Pakistan బోర్డర్ కాదు.. ఏపీ సరిహద్దు, ఐటీ ఉద్యోగుల కార్ల ర్యాలీపై టీడీపీ
ప్రస్తుతం చంద్రబాబు రాజమండ్రి సెంట్రల్ జైలులోనే ఉన్న సంగతి తెలిసిందే. రాష్ట్రంలో రాజకీయంగా టీడీపీ ముందుకు వెళ్లేందుకు ఈ కమిటీని నియమించినట్లు తెలుస్తోంది. చంద్రబాబు అరెస్టుకు వ్యతిరేకంగా రాష్ట్ర వ్యాప్తంగా పలు నిరసన కార్యక్రమాలు సాగుతున్నాయి. అయితే రాజకీయంగా ఎలా ముందుకు వెళ్లాలనేదానిపై ఈ కమిటీ చర్చించి నిర్ణయం తీసుకోనుంది.
చదవండి: APSRTC Offer: గుడ్ న్యూస్ చెప్పిన ఏపీఎస్ఆర్టీసీ..60 ఏళ్లు దాటిన వారికి 25 శాతం రాయితీ
నారా లోకేష్ కూడా టెలికాన్ఫరెన్స్ ద్వారా పార్టీ ముఖ్య నేతలతో చర్చలు సాగిస్తున్నారు. నారా బ్రాహ్మణి కూడా జనసేత నేతలతో చర్చల్లో పాల్గొంది. చంద్రబాబు అరెస్ట్‌ను ఖండిస్తూ ఆయనకు మద్దతుగా పలు కార్యక్రమాలు చేయడానికి టీడీపీ సిద్ధమవుతోంది. ఈ నేపథ్యంలో లోకేష్ వచ్చే వారం నుంచి యువగళం పాదయాత్రను పునఃప్రారంభించనున్నారు. తూర్పుగోదావరి జిల్లా రాజోలు నియోజకవర్గం పొదలాడ నుంచే నారా లోకేష్ యువగళం పాదయాత్రను చేపట్టనున్నారు.
