అమెరికా మాజీ అధ్యక్షుడు డొనాల్డ్ ట్రంప్ పోలీసుల ఎదుట లొంగిపోయారు. 2020 ఎన్నికల ఫలితాల్లో జోక్యం, కుట్ర తదితర కేసుల్లో ఆరోపణలు ఎదుర్కొంటూ జైలు వద్దకు వచ్చారు. ఆ వెంటనే బెయిల్ మీద బయటకు వచ్చారు.
Donald Trump Arrest: అమెరికా మాజీ అధ్యక్షుడు డొనాల్డ్ ట్రంప్ను (Donald Trump) పోలీసుల ఎదుట లొంగిపోయారు. 2020 అమెరికా అధ్యక్ష ఎన్నికల ఫలితాల్లో జోక్యం, కుట్ర తదితర కేసుల నేపథ్యంలో జార్జియా జైల్ వద్దకు వచ్చారు. పుల్టన్ కౌంటీ జైలుకు వెళ్లి లొంగిపోయి 2 లక్షల డాలర్ల బాండ్ సమర్పించి బెయిల్ తీసుకునేందుకు డిస్ట్రిక్ట్ అటార్నీ పానీ విల్లీస్ అనుమతించారు. ఆ ప్రక్రియ పూర్తి చేసేందుకు ట్రంప్ జైలుకు వచ్చారు. ట్రంప్పై మొత్తం నాలుగు క్రిమినల్ కేసులు నమోదు కాగా.. అందులో ఇదొకటి. జైలులో ట్రంప్ (Trump) 20 నిమిషాలు ఉండి.. తర్వాత బెయిల్ మీద బయటకు వచ్చారు. క్రిమినల్ కేసుల్లో ఆరోపణలు ఎదుర్కొంటున్న వారు తమంతట తాము పోలీసుల ఎదుట లొంగిపోయినా అరెస్ట్ కింద పరిగణిస్తారు. గతంలో కూడా 2020 ఎన్నికలకు సంబంధించిన కేసులో ట్రంప్ అరెస్ట్ అయ్యారు. ఆ ఆరోపణలు అన్నీ అవాస్తవాలు అని.. తాను ఏ తప్పు చేయలేదని ట్రంప్ (Trump) అప్పట్లోనే తెలిపారు.