Who Are Drunk In Traffic Booth Arrested
Traffic Booth: హైదరాబాద్‌కు (hyderabad) ఐటీ హబ్‌గా పేరు తీసుకొచ్చింది హైటెక్ సిటీ. మాదాపూర్ (madhapur), హైటెక్ సిటీ, గచ్చిబౌలి, రాయదుర్గంలో ఐటీ కంపెనీలు వెలిసి.. ఆ ఏరియా రూపురేఖలే మారిపోయాయి. ఇటీవల ఇద్దరు పోకిరీలు హైటెక్ సిటీ ఎదురుగా గల ట్రాఫిక్ బూత్లో కూర్చొని మద్యం సేవించారు. మందు తాగుతుండగా ఒకరు వీడియో తీసి సోషల్ మీడియాలో షేర్ చేశారు. ఇంకేముంది ఆ వీడియో వైరల్ అయ్యింది.
చదవండి: Lakshmi Parvathi: లోకేష్, పవన్ కళ్యాణ్ పై సెటైర్లు
ఇటీవల సంగం గణేశ్ (ganesh), వెంగలదాస్ గోపి (gopi) అనే ఇద్దరు వ్యక్తులు ట్రాఫిక్ బూత్‌ను తమ అడ్డాగా మార్చుకున్నారు. అక్కడే వీరిద్దరూ కూర్చొని చెరో గ్లాస్ పట్టుకొని మందు తాగారు. నంజుకోవడానికి బిర్యానీ కూడా తీసుకున్నారు. వీడియో తీయడం.. పోస్ట్ చేయడంతో పోలీసులు వెంటనే స్పందించారు. మందు తాగిన ఆ ఇద్దరినీ అరెస్ట్ చేశారు. వారిపై సంబంధిత సెక్షన్ల కింద కేసు నమోదు చేస్తామని చెబుతున్నారు.
ట్రాఫిక్ బూత్లో మద్యం తాగుతున్న పోకిరీలు
మాదాపూర్ లోని హైటెక్ సిటీ జంక్షన్లో ఘటన. ట్రాఫిక్ జంక్షన్లలో ఏర్పాటు చేసిన బూత్లో ఇద్దరు పోకిరీలు కూర్చొని మద్యం తాగుతూ బిర్యానీ తింటూ మందు కొట్టడానికి అడ్డాగా మార్చుకున్నారు. pic.twitter.com/TRWkfih0LW
— Telugu Scribe (@TeluguScribe) July 25, 2023
ఘటన జరిగిన వెంటనే పోలీసులు (police) అలర్ట్ అయ్యారు. వారిని గుర్తించి అదుపులోకి తీసుకున్నారు. హైదరాబాద్‌లో (hyderabad).. హైటెక్ సిటీ ఎదురుగా ఈ ఘటన జరగడం తీవ్ర కలకలం రేపింది. సోషల్ మీడియాలో నెటిజన్లు (netizens) ఏకిపారేశారు. ఇలాంటి ఇన్సిడెంట్లు మరొకరు చేయడానికి ప్రోత్సాహం కలిగిస్తోందని.. వారిపై కఠిన చర్యలు తీసుకోవాలని మేధావులు కోరుతున్నారు.
