టమాట ధరలు పెరగటంతో మెక్ డొనాల్డ్స్ (McDonald’s) దారిలోనే సబ్‌వే ఇండియా సంస్థ కూడా నడుస్తోంది. తమ ఔట్‌లెట్స్‌లో తమ సలాడ్స్ మరియు శాండ్‌విచ్‌లలో టమాటా వినియోగాన్ని తాత్కాలికంగా నిలిపివేసింది. ఢిల్లీ ఎయిర్‌పోర్ట్ (Delhi Airport) టెర్మినల్‌లోని సబ్‌వే స్టోర్ లో ‘టమాటాలు తాత్కాలిక అందుబాటులో లేవు’ అని కస్టమర్లకు బోర్డును ప్రదర్శించింది. ప్రస్తుతం వాటి నాణ్యతా ప్రమాణాలకు అనుగుణంగా తగినంత టమాటాలను సోర్స్ చేయలేకపోతున్నామని పేర్కొంది.
చదవండి : బీఆర్ఎస్ ఎమ్మెల్యే సంచలన వ్యాఖ్యలు..అలాంటి అధికారులను మహిళలతో తన్నిస్తా
టమాటా చాలా ఖరీదుగా మారిందని సబ్ వే స్టోర్ (Subway Store) ఉద్యోగిని ఉటంకిస్తూ రాయిటర్స్ తెలిపింది.టమాటా ధరలు దేశంలోని ఇతర ఫాస్ట్ ఫుడ్ చైన్‌లను ప్రభావితం చేశాయి. మెక్‌డొనాల్డ్స్ ఇటీవల తమ మెనూ నుండి, బర్గర్ నుండి టమాటాను తొలగించింది. నాణ్యతా ప్రమాణాలు కొరవడినందున టమాటా(Tomato)ను నిలిపివేసినట్లు మెక్ డొనాల్డ్ అప్పుడే ప్రకటించింది. అకాల వర్షాలు, రవాణాలో అంతరాయం కారణంగా టమాటా ధర భారీగా పెరిగింది. ఇటీవల ఢిల్లీ(Delhi)లో కిలో టమాటా ధర రూ.240కి చేరుకుంది. ప్రస్తుతం అది రూ.170 దిగువకు వచ్చింది.. నాణ్యతా సమస్య కారణంగా టమాటా వినియోగాన్ని నిలిపివేసినట్లు న్యూఢిల్లీ, ఉత్తర ప్రదేశ్(UP) , చెన్నై సహా పలు ప్రధాన నగరాల్లో కొన్ని సబ్‌వే ఔట్‌లెట్‌లలో డిస్ ప్లే బోర్డు పెట్టింది.
చదవండి : స్మితా సభర్వాల్‌కు, రఘునందన్‌రావు కౌంటర్ ..తెలంగాణ ఘటనలుపై స్పందించాలి
