‘అల్లుడు శీను’ సినిమాతో బెల్లంకొండ శ్రీనివాస్(Bellamkonda Srinivas)ను హీరోగా లాంచ్ చేశాడు వి.వి.వినాయక్. ఈ సినిమాతో మంచి గుర్తింపు తెచ్చుకున్నాడు ఈ యంగ్ హీరో. కానీ ఆ తర్వాత చేసిన సినిమాలతోను జస్ట్ ఓకె అనిపించుకున్నాడు. అయితే ‘రాక్షసుడు’ లాంటి సినిమాతో మంచి సక్సెస్ అందుకున్నాడు. కానీ ఈ మధ్య కాలంలో రేసులో వెనకబడిపోయాడు బెల్లంకొండ. ఈ మధ్యే తనను హీరోగా లాంచ్ చేసిన వినాయక్‌తో హీందీలో గ్రాండ్‌గా లాంచ్ అవడానికి.. ప్రభాస్ నటించిన ఛత్రపతి సినిమాను రిమేక్ చేశారు.
చదవండి: Hidimbha: ‘హిడింబ’ ట్రైలర్ లాంచ్ ఈవెంట్..ఫోటో గ్యాలరీ
కానీ ఈ సినిమా రిజల్ట్ తేడా కొట్టేసింది. ఛత్రపతి డిజాస్టర్‌గా నిలిచింది. దీంతో ఈ యంగ్ హీరో కెరీర్ డైలమాలో పడిపోయింది. కానీ బ్యాక్ టు బ్యాక్ సినిమాలతో సాలిడ్ బౌన్స్ బ్యాక్ అవ్వాలని చూస్తున్నాడు. రీసెంట్‌గానే పవర్ స్టార్ పవన్ కళ్యాణ్ లాంటి హీరోతో ‘భీమ్లా నాయక్’ సినిమాను తెరకెక్కించిన దర్శకుడు సాగర్ కె చంద్ర దర్శకత్వంలో ఓ సినిమా కమిట్ అయ్యాడు. ఇటీవలే ఈ సినిమా షూటింగ్ స్టార్ట్ అయింది. ఇక ఇప్పుడు మరో కొత్త ప్రాజెక్ట్‌కు రంగం సిద్దం చేస్తున్నాడు.
చదవండి: Priya prakash Varrier: పవన్ కళ్యాణ్‌తో నటించడం గర్వంగా ఉంది: ప్రియాప్రకాష్ వారియర్
‘రాక్షసుడు’ డైరెక్టర్ రమేశ్ వర్మకు గ్రీన్ సిగ్నల్ ఇచ్చినట్టుగా తెలుస్తోంది. ఈ సినిమా టైటిల్ కూడా ఫిక్స్ చేసినట్టు సమాచారం. ‘రుద్రాక్ష’ అనే టైటిల్‌ను అనుకుంటున్నారట. ఈ సినిమా కూడా థ్రిల్లర్ జోనర్లో సాగుతుందట. జ్ఞానవేల్ రాజా ఈ సినిమాను భారీ బడ్జెట్‌తో నిర్మించనున్నాడని అంటున్నారు. త్వరలోనే ఈ సినిమా నుంచి అఫీషయిల్ అనౌన్స్మెంట్ రానుందని అంటున్నారు. ఆగస్టు నుంచి షూటింగు మొదలవుతుందని సమాచారం.
