Kishan Reddy: భారత కేంద్ర సాంస్కృతిక, పర్యాటక శాఖ మంత్రి జి.కిషన్ రెడ్డికి అరుదైన గౌరవం లభించింది. న్యూయార్క్‌లో జరగనున్న ఐక్యరాజ్యసమితి హైలెవల్ పొలిటికల్ ఫోరమ్ (హెచ్‌ఎల్‌పీఎఫ్)లో కిషన్ రెడ్డి ప్రసంగించనున్నారు. 2023 జులై 10 నుంచి 14 వరకు జరిగే కార్యక్రమంలో మాట్లాడేందుకు జి కిషన్ రెడ్డికి ఆహ్వానం అందింది. న్యూయార్క్‌లోని యునైటెడ్ నేషన్స్ వరల్డ్ టూరిజం ఆర్గనైజేషన్ (UNWTO) ఆయనకు ఆహ్వానం పంపింది. ఈ ఆహ్వానం అందుకున్న మొదటి భారతీయ పర్యాటక మంత్రి కిషన్ రెడ్డి మాత్రమే.
చదవండి:సీఎం జగన్‌పై రాయుడు ప్రశంసలు…ప్రభుత్వ చర్యలు బాగున్నాయి
ఐక్యరాజ్యసమితి HLPF థీమ్ “కరోనావైరస్ వ్యాధి (COVID-19) నుండి కోలుకోవడం, అన్ని స్థాయిలలో స్థిరమైన అభివృద్ధి కోసం 2030 ఎజెండాను పూర్తిగా అమలు చేయడం”. జూలై 13, 14 తేదీల్లో ఐక్యరాజ్యసమితి ప్రధాన కార్యాలయంలో కేంద్ర మంత్రి ప్రసంగించనున్నారు. ఈ ఏడాది జూన్‌ 21, 22 తేదీల్లో గోవాలో జరిగిన జీ 20 పర్యాటక మంత్రుల సమావేశం అనంతరం ఈ ఆహ్వానం అందడం విశేషం. ఈ సమావేశానికి కిషన్ రెడ్డి ఛైర్మన్‌గా వ్యవహరించారు. సుస్థిర అభివృద్ధి లక్ష్యాలను సాధించడం, దేశాలు, వాటాదారుల మధ్య భాగస్వామ్యం, సహకారాల పెంపుకు జీ 20 టూరిజం వర్కింగ్ గ్రూప్‌ లక్ష్యంగా పెట్టుకుంది. ‘ఇండియా డిక్లరేషన్’, ‘గోవా రోడ్ మ్యాప్’ అమలు G-20 టూరిజం వర్కింగ్ గ్రూప్‌లో భాగంగా రూపొందించబడింది.
చదవండి:Rules Change From July 1: జూలై 1 నుండి కొత్త రూల్స్.. PAN నుండి LPGకి వరకు
