మెగాస్టార్ చిరంజీవి, మాస్ మహారాజా రవితేజ కలిసి నటించిన ‘వాల్తేరు వీరయ్య’ మూవీ.. థియేటర్లోకి రావడానికి ఇంకో రెండు వారాలు మాత్రమే ఉంది. మెగా, మాస్ ఫ్యాన్స్‌తో జనవరి 13న థియేటర్లో మాస్ జాతర జరగబోతోంది. అందుకు తగ్గట్టే.. మేకర్స్ వాల్తేరు వీరయ్యపై అంచనాలు పెంచుతునే ఉన్నారు. ఇప్పటికే రిలీజ్ అయిన బాస్ పార్టీ, శ్రీదేవి సాంగ్స్ సోసో రెస్పాన్స్ సొంతం చేసుకోగా.. రీసెంట్‌గా వచ్చిన టైటిల్ ట్రాక్‌ అదరిపోయేలా ఉందంటున్నారు. అయితే అంతకుమించి అనేలా.. ఈ సినిమాలో మరో హై ఓల్టేజ్ సాంగ్ ఉందని చెబుతున్నారు మేకర్స్. అదే పూనకాలు లోడింగ్ అంటున్నారు. ఈ పాట స్పెషాల్టీ ఏంటంటే.. ఇందులో చిరు, రవితేజ ఇద్దరు అదిరిపోయే స్టెప్పులేశారట. ఇప్పటికే డైరెక్టర్ బాబీ, మ్యూజిక్ డైరెక్టర్ దేవిశ్రీ ప్రసాద్, డాన్స్ మాస్టర్ శేఖర్.. ఈ పాటపై భారీ హైప్ క్రియేట్ చేశారు. దాంతో ఈ సాంగ్ ఎప్పుడెప్పుడు రిలీజ్ చేస్తారా అని ఈగర్‌గా వెయిట్ చేస్తున్నారు అభిమానులు. లేటెస్ట్ అప్డేట్ ప్రకారం.. పూనకాలు పాటను డిసెంబర్ 30న లాంఛ్ చేయబోతున్నట్టు తెలుస్తోంది. అది కూడా థియేటర్లో లాంచ్ చేయబోతున్నారట. ఆర్‌టీసీ క్రాస్ రోడ్స్‌లోని సంధ్య థియేటర్లో సాయంత్రం 6 గంటలకు ఫ్యాన్స్ మధ్య విడుదల చేయనున్నారట. అయితే దీనిపై అధికారిక ప్రకటన రావాల్సి ఉంది. ఇక మైత్రీ మూవీ మేకర్స్ బ్యానర్‌పై భారీ బడ్జెట్‌తో తెరకెక్కుతున్న ఈ చిత్రంలో శృతిహాసన్‌ హీరోయిన్‌గా నటిస్తుండగా.. బాలీవుడ్ బ్యూటీ ఊర్వశి రౌటేలా బాస్ పార్టీ స్పెషల్ సాంగ్‌లో మెరవనుంది.
