బలగం(Balagam) మూవీ ప్రతిష్టాత్మక లాస్ ఏంజిల్స్ అవార్డుల(Los Angeles awards)ను రెండింటిని గెల్చుకుంది. వాటిలో ఉత్తమ దర్శకుడు(Best Director), ఉత్తమ సినిమాటోగ్రఫీ(Best Cinematography) విభాగంలో వేణు ఎల్డండి, ఆచార్య వేణు దక్కించుకున్నారు. ఇది చిత్ర బృందం, నిర్మాతలకు దక్కిన గొప్ప విజయమని, సినిమాని రూపొందించడంలో వారి పని నాణ్యతను తెలియజేస్తుందని ప్రశంసించారు. సినిమా విజయవంతం కావడానికి సహకరించిన మొత్తం నటీనటులు, సిబ్బంది అంకితభావానికి నిదర్శనమని వెల్లడించారు. ఇది తెలిసిన బలగం చిత్ర నిర్మాత దిల్ రాజు ఈ మేరకు సోషల్ మీడియాలో పోస్ట్ చేసి ప్రకటిస్తూ సంతోషం వ్యక్తం చేశారు. వేణుతోపాటు ఆచార్య వేణుకు కూడా అభినందనలు తెలియజేశారు.
Balagam shines on the global stage! 🤩❤️
Congratulations to our director @VenuYeldandi9 and our cinematographer @dopvenu for winning the prestigious Los Angeles Cinematography Awards. 👏🏻👏🏻
Running successfully in theatres near you🙌
@priyadarshi_i @kavyakalyanram pic.twitter.com/gCEhvEXLYR
— Dil Raju Productions (@DilRajuProdctns) March 30, 2023
హీరో ప్రియదర్శి ప్రధాన పాత్రలో వేణు యెల్దండి దర్శకత్వం(Direction) వహించిన విలేజ్ వింటేజ్ డ్రామా బలగం మార్చి 3, 2023న విడుదలైంది. ఈ చిత్రం ఇప్పటికే బాక్సాఫీస్ వద్ద ఘన విజయం సాధించి వసూళ్ల దిశగా కొనసాగుతుంది. జీవితంలో స్థిరపడేందుకు డబ్బు వెతుక్కునే స్వార్థపరుడైన పల్లెటూరి యువకుడి కథనే బలగం. అయితే అతని తాత మరణం, అతని జీవితాన్ని ఊహించని రీతిలో మార్చేస్తుంది. ఈ చిత్రంలో ప్రియదర్శి నటనకు విమర్శకులతోపాటు ప్రేక్షకుల నుంచి కూడా పెద్ద ఎత్తున ప్రశంసలు లభిస్తున్నాయి. తెలంగాణలోని గ్రామీణ నేపథ్యంలోని ఓ కుటుంబంలో జరిగే కథను ప్రతి ఒక్కరి జీవితాలకు ముడిపడే విధంగా ఈ సినిమాను తెరకెక్కించారు.
చదవండి: Kalyan Ram : 500 మందితో కళ్యాణ్ రామ్ ఏం చేస్తున్నాడు!?
దిల్ రాజు కూతురు హన్షితారెడ్డి, మేనల్లుడు హర్షిత్ రెడ్డి ఈ చిత్రాన్ని నిర్మించగా, ప్రమోషన్స్‌ను దిల్ రాజు(dil raju) చూసుకున్నారు. ఈ చిత్రంలో తన పాత్ర కోసం మేకర్స్ ప్రియదర్శికి యాభై లక్షలు చెల్లించారని తెలిసింది. బలగం చిత్రం దిల్ రాజుకు మంచి లాభాలను తెచ్చిపెట్టింది. ఈ చిత్రం నాన్-థియేట్రికల్ హక్కులు చిత్రం విడుదలకు ముందే పెద్ద మొత్తాన్ని పొందాయి. ఆ తర్వాత థియేట్రికల్ వసూళ్లలో కూడా 10 రెట్ల లాభాలు వచ్చాయి. మరోవైపు దర్శకుడు వేణు యెల్దండి కూడా ఈ సినిమా విజయానికి తన సహకారం అందించినందుకు కొంత ఎక్కువగానే పారితోషికం తీసుకున్నట్లు తెలిసింది.
చదవండి: Kalyan Ram : 500 మందితో కళ్యాణ్ రామ్ ఏం చేస్తున్నాడు!?
