హోలీ పండుగలో తోటి నటీనటులు, సినీ ప్రముఖులతో సందడిగా గడిపిన ఆయన తెల్లారేసరికి కన్నుమూశాడు. వందకు పైగా సినిమా (Movies)ల్లో నటించి.. దాదాపు ఆరు సినిమాలకు దర్శకత్వం (Direction) వహించిన ఆయన మృతితో బాలీవుడ్ (Bollywood) సినీ పరిశ్రమ విషాదంలో మునిగింది. నటుడు, దర్శకుడు సతీశ్ కౌశిక్ (66) (Satish Kaushik) మృతికి హిందీ సినీ ప్రముఖులు సంతాపం వ్యక్తం చేస్తున్నారు. దిగ్గజ నటుడు అనుపమ్ ఖేర్ (Anupam kher) అయితే తమ 45 ఏళ్ల స్నేహబంధం ముగిసింది అంటూ ఆవేదన వ్యక్తం చేశారు.
చదవండి: Lawyer Nose Bite ప్రేమించలేదని ప్రేయసి ముక్కు కొరికిన ప్రియుడు
మార్చి 7న సతీశ్ ముంబైలో జరిగిన హోలీ వేడుకల్లో పాల్గొని సందడి చేశాడు. తోటి నటీనటులు హబానా అజ్మీ, జావేద్ అక్తార్ తదితరులతో ఆనందంతో గడిపాడు. అనంతరం ఆయన తన సొంత ప్రాంతం గురుగ్రామ్ కు వెళ్లాడు. అయితే బుధవారం రాత్రి సతీశ్ గుండెపోటుకు గురయ్యాడు. వెంటనే కుటుంబసభ్యులు ఫోర్టిస్ ఆస్పత్రికి తరలించగా ఆలోపే ఆయన మృతి చెందాడు. పోస్టుమార్టం అనంతరం సతీశ్ మృతదేహాన్ని ముంబైకి తరలించారు.
చదవండి: Minor 31 ఏళ్ల మహిళను తల్లిని చేసిన 13 ఏళ్ల బాలుడు
హర్యానాలోని మహేంద్రగడ్ లో 13 ఏప్రిల్ 1956లో జన్మించిన సతీశ్ 1983లో సినీ కెరీర్ ను ప్రారంభించాడు. ఆ సంవత్సరం వచ్చిన ‘మాసూమ్’ సినిమాతో వెండితెరకు పరిచయమయ్యాడు. అప్పటి నుంచి వరుస సినిమాలు చేస్తూ వస్తున్నాడు. దాదాపు వందకు పైగా సినిమాల్లో నటించాడు. హాస్య నటుడిగా, రచయితగా నిర్మాతగా సినీ రంగంలో పని చేశారు. ఈ క్రమంలోనే దర్శకత్వంలోకి కూడా అడుగుపెట్టాడు. 1993లో తొలి చిత్రం ‘రూప్ కీ రాణి చోరోనో కా రాజా’ అనే సినిమాకు దర్శకత్వం వహించాడు. సినీ రంగ ప్రవేశం తర్వాత ఆయన మహేంద్ర గడ్ నుంచి ముంబైకి వచ్చి స్థిరపడ్డాడు.
చదవండి: Siricilla కేటీఆర్ ఫొటోకు దండం పెట్టినందుకు పార్టీ నుంచి సస్పెండ్
‘మిస్టర్ ఇండియా, దివానా మస్తానా, బ్రిక్ లేన్, సాజన్ చలె ససురల్’ వంటి ప్రధాన చిత్రాల్లో సతీశ్ మెరిశాడు. ‘ప్రేమ్, హమ్ ఆప్కే దిల్ మెయన్ రహ్తే హైన్, తేరే నామ్’ వంటి చిత్రాలను దర్శకత్వం వహించాడు. మిస్టర్ ఇండియా సినిమాలో సతీశ్ క్యాలెండర్ అనే పాత్రలో మెరిశాడు. ఆ పాత్ర ప్రేక్షకులకు ఎప్పటికీ గుర్తుంటుంది. కాగా సతీశ్ మృతికి బాలీవుడ్ చిత్ర పరిశ్రమ విషాదంలో మునిగింది. నటీనటులు అనుపమ్ ఖేర్, కంగనా రనౌత్, నేహా ధూపియా తదితరులు సంతాపం ప్రకటించారు. సతీశ్ కుటుంబానికి దేవుడు ధైర్యం ఇవ్వాలని ప్రార్థించారు. ‘అత్యంత చేదు వార్తతో నిద్రలేచా’ అని కంగనా ట్వీట్ చేసింది. తన మిత్రుడిని కోల్పోయిన బాధలో అనుపమ్ ఖేర్ మునిగారు. కాగా సతీశ్ మృతదేహాన్ని సినీ ప్రముఖుల సందర్శనార్థం ముంబైలో ఉంచనున్నారు. అనంతరం గురువారం సాయంత్రం అంత్యక్రియలు జరిగే అవకాశం ఉంది. కాగా సతీశ్ కు భార్య, ఇద్దరు పిల్లలు ఉన్నారు.
చదవండి: విషాదం నుంచి ఆనందంలోకి.. భారత క్రికెటర్ ఉమేశ్ ఫుల్ హ్యాపీ
Woke up to this horrible news, he was my biggest cheerleader, a very successful actor and director #SatishKaushik ji personally was also a very kind and genuine man, I loved directing him in Emergency. He will be missed, Om Shanti 🙏 pic.twitter.com/vwCp2PA64u
— Kangana Ranaut (@KanganaTeam) March 9, 2023
Colourful Happy Fun #Holi party at Janki Kutir Juhu by @Javedakhtarjadu @babaazmi @AzmiShabana @tanviazmi.. met the newly wed beautiful couple @alifazal9 @RichaChadha.. wishing Happy Holi to everyone 🌹🌹🌹🌺🌺🌺🌺 #friendship #festival #Holi2023 #colors pic.twitter.com/pa6MqUKdku
— satish kaushik (@satishkaushik2) March 7, 2023
