సీతారామం సినిమాలో సీత పాత్రలో మృణాల్ ఠాకూర్‌ని చూసి.. నిజంగానే సీతలా ఉందని తెగ మురిసిపోయారు తెలుగు కుర్రకారు. కానీ ఇటీవల ఓ సాంగ్‌లో అమ్మడి గ్లామర్ షో చూసి షాక్ అయ్యారు. అసలు సీత ఇలా స్కిన్ షో చేస్తుందని ఊహించలేదంటూ.. కామెంట్ చేశారు. కానీ ఫైనల్‌గా మృణాల్ గ్లామర్ ట్రీట్‌కు ఫిదా అయిపోయారు. అయితే సినిమా అంటేనే గ్లామర్ ఫీల్డ్ కాబట్టి.. మృణాల్ షో చేయడం వింతేం కాదు. ప్రస్తుతం ఈ బ్యూటీ హిందీలో పలు భారీ ప్రాజెక్ట్స్ చేస్తోంది. తెలుగులో న్యాచురల్ స్టార్ నాని 30 ప్రాజెక్ట్‌లో నటిస్తోంది. అలాగే ఇంకొన్ని తెలుగు భారీ ఆఫర్స్ అమ్మడి తలుపు తడుతున్నాయి. ఈ క్రమంలో ఓ గోల్డెన్ ఆఫర్ దక్కించుకుందని తెలుస్తోంది. ప్రస్తుతం మెగా పవర్ స్టార్ రామ్ చరణ్ ఆర్సీ 15తో బిజీగా ఉన్నాడు. శంకర్ ఈ సినిమాను ఎంతో ప్రతిష్టాత్మకంగా తెరకెక్కిస్తున్నాడు. ఇప్పటికే ఆర్ఆర్ఆర్ మూవీతో పాన్ ఇండియా స్టార్ డమ్ అందుకున్నాడు చరణ్. ఇక ఆర్సీ 15తో నెక్స్ట్ లెవల్‌కి వెళ్లడం ఖాయమంటున్నారు. అదే జరిగితే.. ఆర్సీ 16 పై అంచనాలు పీక్స్‌లో ఉంటాయి. ఆర్సీ 16ని ఉప్పెన దర్శకుడు బుచ్చిబాబు తెరకెక్కించబోతున్నాడు. ఇప్పటికే ఈ ప్రాజెక్ట్ అఫీషియల్ అనౌన్స్మెంట్ వచ్చేసింది. త్వరలోనే రెగ్యూలర్ షూటింగ్ మొదలు పెట్టబోతున్నారు. ఈ సినిమాలోనే మృణాల్ ఠాకూర్‌ హీరోయిన్‌గా ఛాన్స్ కొట్టేసిందని తెలుస్తోంది. త్వరలోనే దీనిపై అధికారిక ప్రకటన రానుందని అంటున్నారు. ఒకవేళ చరణ్‌తో రొమాన్స్ చేసే ఛాన్స్ అందుకుంటే మాత్రం.. ఈ బొద్దుగుమ్మ కెరీర్‌కు మరింత ప్లస్ కానుందని చెప్పొచ్చు.
