ప్రభాస్ నటిస్తున్న సలార్ సినిమా కోసం ఈగర్‌గా వెయిట్ చేస్తున్నారు అభిమానులు. ఇక ఇప్పుడు ప్రభాస్ కోసం సలార్ సెట్స్ అదే రేంజ్‌లో వెయిట్ చేస్తుండడం విశేషం. అది కూడా ఒకటి రెండు కాదట. కెజియఫ్ తర్వాత ప్రశాంత్ నీల్ తెరకెక్కిస్తున్న సలార్ పై భారీ అంచనాలున్నాయి. మాసివ్ డైరెక్టర్‌గా హీరోయిజాన్ని నెక్ట్స్ లవెల్లో ఎలివేషన్ ఇచ్చే ప్రశాంత్ నీల్.. ప్రభాస్‌ను ఏ విధంగా ఎలివేషన్ ఇవ్వబోతున్నాడనేది ఉత్కంఠను రేకెత్తిస్తోంది. ఇప్పటికే హై ఓల్టేజ్ యాక్షన్ సీక్వెన్స్‌తో సలార్ తెరకెక్కుతోందని వినిపిస్తునే ఉంది. ఈ క్రమంలో సలార్ కోసం భారీ సెట్స్ వేశారట. రామోజి ఫిలిం సిటీలో ఏకంగా 12 సెట్లు వేసినట్టు తెలుస్తోంది.
ప్రతి సెట్‌లోనూ రెండు మూడు రోజులు మాత్రమే షూటింగ్ ఉంటుందని టాక్. అయినా నిర్మాణ సంస్థ హోంబలే ఫిల్మ్స్ భారీగానే ఖర్చు చేస్తున్నారు. అయితే ఇప్పటికే ఈ సెట్స్‌లో సలార్ షెడ్యూల్ కంప్లీట్ అయిపోయి ఉండేది. కానీ ఇటీవలే ప్రభాస్ పెదనాన్న, రెబల్ స్టార్ కృష్ణంరాజు మరణంతో.. ప్రభాస్ సినిమాల షూటింగ్‌లకు బ్రేక్ పడింది. సలార్‌తో పాటు ప్రాజెక్ట్ కె కూడా ఆగిపోయింది. ఇప్పట్లో ప్రభాస్ షూటింగ్‌లో జాయిన్ అయ్యే ఛాన్సెస్ తక్కువగా ఉన్నాయి. ఈ నేపథ్యంలో ప్రభాస్ కోసం డజను సలార్ సెట్స్ వెయిట్ చేస్తున్నాయనే న్యూస్ వైరల్‌గా మారింది. జస్ట్ రెండు మూడు రోజుల కోసమే అన్ని సెట్స్ వేశారంటే.. సలార్‌ను ఏ రేంజ్‌లో తెరకెక్కిస్తున్నారో ఊహించుకోవచ్చు. ఏదేమైనా సలార్ తాకిడిని బాక్సాఫీస్ తట్టుకోవడం కష్టమనే చెప్పాలి.
