Sunrisers hyderabad not only in batting but also in bowling.. Gautam Gambhir's sensational comments
Gautam Gambhir: ఐపీఎల్ సీజన్ 17 ముగింపు దశకు చేరుకుంది. ఈ ఆదివారంతో టైటిల్ గెలిచేది ఎవరన్నది తేలనుంది. రెండు దిగ్గజ జట్లు కలకత్తా నైట్ రైడర్స్, సన్‌రైజర్స్ హైదరాబాద్ తలపడనున్నాయి. క్వాలిఫయర్ 1లో ఈ రెండు టీమ్‌లు తలపడగా కేకేఆర్ గెలిచి ఫైనల్‌కు చేరిన విషయం తెలిసిందే. ఆ తరువాత ఆడిన ఎలిమినేటర్ మ్యాచ్‌లో రాజస్థాన్ రాయల్స్, రాయల్ ఛాలెంజ్ బెంగళూరు తలపడ్డాయి. అందులో ఆర్సీబీ ఇంటికి వెళ్లగా గెలిచిన ఆర్ఆర్ గత రాత్రి ఎస్ఆర్‌హెచ్‌తో తలపడి ఓడింది. దాంతో ఐపీఎల్ ఫైనల్ మ్యాచ్ చెపాక్ వేదికగా కేకేఆర్ వర్సెస్ ఎస్ఆర్‌హెచ్ జరగనుంది. ఈ ఆటకోసం అటు కలకత్తా ఫ్యాన్స్, ఇటు హైదరాబాద్ ఫ్యాన్స్ ఎంతో ఆసక్తిగా ఎదురు చూస్తున్నారు. ఈ నేపథ్యంలో కేకేఆర్ మెంటర్ గౌతమ్ గంభీర్ ఎస్ఆర్‌హెచ్‌పై ఆసక్తికరమైన వ్యాఖ్యలు చేశారు.
చదవండి:USA vs Ban : అమెరికా చారిత్రాత్మక విజయం.. బంగ్లాకు షాకిచ్చి టీ20 సిరీస్‌ వశం!
సన్‌రైజర్స్ అద్భుతమైన ప్రదర్శనను కనబరుస్తూ ఫైనల్ వరకు చేరుకుంది. మొదటి నుంచి బ్యాటింగ్‌ విషయంలో చెలరేగింది. తాజా మ్యాచ్‌లను బట్టి చూస్తే సన్‌రైజర్స్ కేవలం బ్యాటింగ్‌లోనే కాదు బౌలింగ్‌లో అద్భుతమైన ప్రదర్శనను కనబరుస్తుంది. నిజానికి ఏ విషయంలో కూడా హైదరాబాద్ టీమ్‌ను తక్కువగా అంచనా వేయలేమని పేర్కొన్నారు. ఏ టీమ్ అయినా సరే విజయాన్ని దక్కించుకోవాలంటే అన్ని విధాలుగా బాగా ఆడాలని, ఆ విషయంలో ఎస్ఆర్‌హెచ్ బలమైన ప్రదర్శన చేస్తుందని గౌతమ్ గంభీర్ కొనియాడారు. ఈ ఆదివారం జరగబోతున్న మ్యాచ్ చాలా ఆసక్తిగా ఉండబోతుందని వెల్లడించారు. అలాగే ఎలిమేనేటర్ మ్యాచ్‌లో ఇంటికి వెళ్లిన ఆర్సీబీపై కూడా స్పందించారు. ఇన్ని సీజన్లలో బెంగళూరుకు ఒక్కసారి కూడా కప్ రాలేదని తమ వంతుగా వారు అద్భుమైన ప్రదర్శన చేశారని కానీ నిర్భయంగా ఆడిని ఆర్ఆర్ గెలిచిందని పేర్కొన్నారు. ఎలాంటి భయం లేకుండా ఆడితే విజయం వరిస్తుందని గౌతమ్ గంభీర్ తెలిపారు.
చదవండి:Haryana : వ్యాపారంలో నష్టం.. దారుణానికి ఒడికట్టిన ఆరుగురు కుటుంబ సభ్యులు
