Kurchi Madathapetti : ఏదేమైనా మన సినిమాలకు, సినిమా పాటలకు అంతర్జాతీయంగా జనం ఫిదా అయిపోతున్నారంటే ప్రతి తెలుగోడూ గర్వ పడతాడు. మొన్నటి వరకు ఆస్కార్‌ దక్కించుకున్న నాటు నాటు పాటకు ఇంగ్లీషోళ్లు కూడా స్టెప్పులేశారు. ఇప్పుడు మళ్లీ కుర్చీని మడత పెట్టి పాట ప్రపంచ వ్యాప్తంగా అభిమానుల్ని సంపాదించుకుంది. తాజాగా అమెరికాలోని టెక్సాస్‌లో ఎన్‌బీఏ గేమ్‌ ఈవెంట్‌ జరుగుతోంది. అందులో పిల్లలంతా కుర్చీని మడత పెట్టి పాటకు తమదైన స్టైల్‌లో చిందులేశారు.
చదవండి : భార్యతో కలిసి స్టెప్పులేసిన రాజమౌళి.. వీడియో వైరల్
పాట వినపడుతున్నంత సేపు ఆ ప్రాంతం అంతా హుషారెత్తిపోయింది. దీంతో ఈ వీడియో ప్రస్తుతం నెట్‌లో వైరల్ గా మారింది. మహేష్‌ బాబు నటించిన గుంటూరు కారం సినిమాలోని ఈ పాట కొద్ది రోజుల్లోనే నెట్‌లో వైరల్‌గా మారింది. పలువురు సెలబ్రిటీలు, సామాన్యులు కూడా దీనితో రీల్స్‌ చేశారు. కెప్టెన్‌ విరాట్‌ కోహ్లీ, అనుష్క శర్మలు కూడా దీనికి రీల్‌ చేసి అప్‌లోడ్‌ చేశారు.
చదవండి : యాంటీ బయాటిక్స్‌, పెయిన్‌కిల్లర్లు ఇక మరింత ప్రియం
ఇంతగా వైరల్ అయిన ఈ ‘కుర్చీని మడత పెట్టి’(Kurchi Madathapetti) పాట అంతర్జాతీయంగా గుర్తింపు తెచ్చుకుంది అనడానికి ఈ డ్యాన్స్‌ షోయే నిదర్శనం అని నెటిజన్లు కామెంట్‌ చేస్తున్నారు. తమ అభిమాన నటుడు మహేష్‌ బాబు అంటే ఆ మాత్రం ఉంటుంది మరి.. అంటూ తమ అభిమానాన్ని వ్యక్తం చేస్తున్నారు. ఇంత పెద్ద అమెరికన్‌ వేదికపై మన తెలుగు పాట మోగడం అంటే ఆషామాషీ కాదంటూ ఆనందించేస్తున్నారు. మరింకెందుకు ఆలస్యం ఆ వైరల్ వీడియోపై మీరూ ఓ లుక్కేయండి.
. #KurchiMadathapetti Song Played at the NBA game at the Toyota Center in Texas
Pan World Reach for a regional movie🫡https://t.co/sPqdqvZouT
— Trolle𝕏 (@Trollex_4005) April 1, 2024
