Sheetal ప్రతిభకు ఆనంద్ మహీంద్రా ఫిదా.. ఏ కారు కావాలో చెప్పు అంటూ పోస్ట్

Anand Mahindra Offer Car To Para Archer Sheetal Devi

Anand Mahindra Offer Car To Sheetal: పారా ఏషియన్ గేమ్స్‌లో భారత క్రీడాకారులు సత్తా చాటుతున్నారు. కశ్మీర్‌కు చెందిన శీతల్ దేవి గోల్డ్ మెడల్ సాధించారు. దీంతో ఆమెను అంతా ప్రశంసిస్తున్నారు. ప్రముఖ పారిశ్రామిక వేత్త ఆనంద్ మహీంద్రా (Anand Mahindra) అంతా ముగ్దుడు అయిపోయారు. శీతల్‌ను ప్రశంసిస్తూ ట్వీట్ చేశారు. అలాగే తమ కంపెనీకి చెందిన ఏ కారు కావాలో కోరుకోవాలని సూచించారు.

చదవండి:Viral Video: అమ్మో.. వేడి నూనెలో పకోడి వేస్తూ చేతులు పెడుతున్నాడు

కశ్మీర్‌లో గల కిస్త్వాడ్ జిల్లా లోయిధర్ శీతల్ స్వగ్రామం. చేతులు లేవు.. అయినప్పటికీ ఆత్మవిశ్వాసం మెండు. చదువుకుంటూనే.. ఉత్సాహంగా ఆట, పాటల్లో పాల్గొనేది. చెట్లు ఎక్కడం చేసేది. అలా మెల్లిగా ప్రతిభ బయటకు తీసుకొచ్చింది. చక్కని గురువు లభించడంతో అర్చరీలో శిక్షణ తీసుకుంది. కాళ్లతో విల్లు ఎక్కుపెట్టేది. తన గురిని మాత్రం తప్పేది కాదు.

పారా ఏషియన్ గేమ్స్‌‌లో శీతల్ దేవి ఫస్ట్ ప్లేస్‌లో నిలిచింది. ఇండివిడ్యువల్ క్యాటగిరీలో గోల్డ్ మెడల్ సాధించింది. దీంతో ఆనంద్ మహీంద్రా స్పందిస్తూ.. ‘శీతల్ దేవిని చూసిన తర్వాత.. ఇక జీవితంలో చిన్న సమస్యలపై బాధ పడను. శీతల్ నువ్వ అందరికీ గురువు. తమ కంపెనీ తయారు చేసే ఏ కారు కావాలంటే అది తీసుకో.. ఆ కారును బహుకరిస్తాం. దానిని నీకు అనుగుణంగా మార్పులు, చేర్పులు చేయించి, ఇస్తాం తల్లి’ అని ఆనంద్ మహీంద్రా ట్వీట్ చేశారు.

I will never,EVER again complain about petty problems in my life. #SheetalDevi you are a teacher to us all. Please pick any car from our range & we will award it to you & customise it for your use. pic.twitter.com/JU6DOR5iqs

— anand mahindra (@anandmahindra) October 28, 2023

శీతల్ దేవి (Sheetal Devi) ఆటను చూసి మహీంద్రా భావోద్వేగానికి గురయ్యారు. రెండు చేతులు లేని ఆమె అర్చరీలో స్వర్ణం పతకం సాధించింది. అవయవాలు అన్ని సక్రమంగా ఉన్న మనం ఎందుకు బాధపడాలి.. ధైర్యంగా సమస్యలను ఎదుర్కొవాలని ఇండైరెక్టుగా చెప్పారు.