Women voters are more, preparations are complete for elections: CEO Vikas Raj
Women voters: తెలంగాణ రాష్ట్రంలో మహిళా ఓటర్లు (Women voters) అధికంగా ఉన్నారని తెలంగాణ రాష్ట్ర ఎన్నికల ప్రధాన అధికారి వికాస్ రాజ్ (vikar raj) తెలిపారు. యువ ఓటర్లు 9,99,677 మంది ఉన్నారని మీడియాకు తెలిపారు. రాష్ట్రంలోని 119 అసెంబ్లీ నియోజకవర్గాలకు ఈ నెల 30వ తేదీన పోలింగ్ జరగనుంది. దానికి సంబంధించిన ఏర్పాట్లు జరుగుతున్నాయని వివరించారు. ఓటర్ స్లిప్పుల పంపిణీ వేగంగా జరుగుతోందని వివరించారు. ఈ సారి ఓటర్ గైడ్ బుక్ కూడా అందజేస్తున్నామని తెలిపారు.
చదవండి: KCR వద్ద బంట్రోతుగా ప్రభాకర్ రెడ్డి.. కొత్తగా చేసిందేమీ లేదని రేవంత్ ఫైర్
బ్యాలెట్ పేపర్ల ప్రింటింగ్ ప్రక్రియ మొదలైందని వికాస్ రాజ్ తెలిపారు. ఎలాంటి ఇబ్బంది లేకుండా ఎన్నికలు నిర్వహిస్తామని వివరించారు. ఇప్పటికే 36 వేల ఈవీఎంలను సిద్దం చేశామని పేర్కొన్నారు. కౌంటింగ్ సెంటర్‌కు ఒక అబ్జర్వర్ ఉంటారని వివరించారు. ఎన్నికల కోసం 377 కంపెనీల కేంద్ర బలగాలు మోహరించామని తెలిపారు. రాష్ట్రంలో తొలిసారి హోమ్ ఓటింగ్ నిర్వహిస్తున్నామని పేర్కొన్నారు.
