నిజామాబాద్ జిల్లా (Nizamabad District) న‌వీపేట మండ‌లం బినోల గ్రామంలో విషాదం జరిగింది.పాము కాటుకు గురైన మూడేళ్ల బాలుడు చికిత్స పొందుతూ మృతి చెందాడు.మంగళి భూమయ్య, హర్షిత దంపతులకు రుద్రాన్ష్ (Rudransh) మూడు నెలల కుమార్తె ఉన్నారు. ఇటీవల కురిసిన వర్షాలకు ఇంట్లో ఉన్న ఓ గది కూలిపోయింది. దీంతో పక్కనున్న మరో గదిలో వీరంతా నిద్రించారు.ఈ క్రమంలో రెండు పాములు వచ్చి రుద్రాన్ష్‌ను కాటు వేశాయి.
చదవండి : Khammam : ఫ్లెక్సీ కడుతూ కరెంట్ షాక్‌‌తో విద్యార్థి మృతి.. స్కూల్‌ వద్ద ఉద్రిక్తత
బాలుడు గట్టిగా ఏడవడంతో అక్కడి నుంచి వెళ్తున్న పాముల(Snakes)ను తండ్రి భూమయ్య గమనించాడు. వెంటనే వాటిని కర్రతో కొట్టి చంపాడు. అనంతరం బాలుడిని జిల్లా ఆస్పత్రి(Hospital)కి తరలించగా, చికిత్స పొందుతూ ఇవాళ మృతి చెందారు. బాలుడి మృతితో కుటుంబంలో విషాదం నెలకొంది. రుద్రాన్ష్ మృతితో త‌ల్లిదండ్రులు, బంధువులు శోక‌సంద్రంలో మునిగిపోయారు.ఎంతో అల్లారు ముద్దుగా పెంచుకున్న కొడుకు క‌ళ్ల‌ముందే ప్రాణాలు వ‌ద‌లడాన్ని జీర్ణించుకోలేక పోతున్నారు. విష‌యం తెలిసిన స్థానిక గ్రామ‌స్తులు అభం శుభం తెలియ‌ని బాబు పాముకాటుకు బ‌లయ్యాడ‌ని విచారం వ్య‌క్తం చేసారు.
చదవండి : Prabhas: ప్రభాస్ పెంపుడు తల్లి గురించి భారీగా చర్చ..వాళ్లిద్దరి తల్లీ ఆమేనట!
