తెలంగాణ సినిమాటోగ్రఫీ మంత్రిగా కోమటిరెడ్డి వెంకట్ రెడ్డి బాధ్యతలు స్వీకరించిన సంగతి తెలిసిందే. ఈమధ్యనే బాధ్యతలు స్వీకరించిన ఆయన్ని పలువురు టాలీవుడ్ పెద్దలు కలిశారు. లోటస్ పాండ్ లోని నివాసంలో మర్యాద పూర్వకంగా కోమటిరెడ్డిని కలిసిన సినీ ప్రముఖులు ఆయనకు అభినందనలు తెలిపారు. నిర్మాతలు దిల్ రాజ్, సురేష్ బాబు, సుధాకర్ రెడ్డి, సి.కళ్యాణ్, తుమ్మలపల్లి రామసత్యనారాయణ, దర్శకులు రాఘవేందర్ రావుతో పాటుగా పలువురు ఫిల్మ్ ఛాంబర్ సభ్యులు, ఫిల్మ్ ఫెడరేషన్ నాయకులు మంత్రిని కలిసి పలువ విషయాల గురించి చర్చించారు.
https://twitter.com/IndianCinemaHub/status/1737044585925513272
చదవండి: Police Restrictions: న్యూ ఇయర్ వేడుకల పై ఆంక్షలు విధించిన పోలీసులు
సినీ పరిశ్రమ ఎదుర్కొంటున్న సమస్యలను మంత్రి దృష్టికి తీసుకువెళ్లారు. ఆ సమస్యలను పరిష్కరించేందుకు కృషి చేస్తానని మంత్రి కోమటిరెడ్డి వెంకట్ రెడ్డి హామీ ఇచ్చారు. కాగా సినిమాటోగ్రఫీ మంత్రి పదవీ బాధ్యతలు స్వీకరించాక టాలీవుడ్ ప్రముఖులు ఎవ్వరూ తనను కలవలేదని, ఎవ్వరి నుంచి అభినందనలు అందలేదని మంత్రి అసహనం వ్యక్తం చేసిన సంగతి తెలిసిందే. కేవలం దిల్ రాజ్ మాత్రమే పదవి చేపట్టిన తనను కలిసి అభినందించాలని తెలిపారు. ఈ నేపథ్యంలో తాజాగా సినీరంగ పెద్దలు మంత్రితో భేటీ కావడం ఆసక్తికరంగా మారింది.
చదవండి: High Courtను ఆశ్రయించిన మాజీ మంత్రి మల్లారెడ్డి
