నేడు హోలీ సందర్భంగా తెలంగాణ (Telanagana) వ్యాప్తంగా వేడుక వాతావరణం నెలకొంది. ప్రజలు బంధుమిత్రులతో కలిసి హోలీ ఆడుతూ ఆస్వాదించారు. తెలంగాణ మంత్రి తలసాని (Minister Talasani) శ్రీనివాస్ యాదవ్ తన నివాసంలో మనవడితో కలిసి హోలీ ఆడారు. మనవడు(grandson) తలసాని తారక్ తో కలిసి బాత్ టబ్(Bath tub )లో దిగిన ఆయన తాను కూడా ఓ చిన్న పిల్లాడైపోయారు. మనవడిలానే తాను కూడా ఓ పిచికారీ గన్ తీసుకుని రంగులు విరజిమ్ముతూ ఎంజాయ్ చేశారు. దీనికి సంబంధించిన వీడియోను తలసాని తన సోషల్ మీడియా(Social media) అకౌంట్లో పంచుకున్నారు. తెలంగాణ రాష్ట్ర ప్ర‌జ‌ల‌కు మంత్రి తలసాని హోలీ (Holi) పండుగ శుభాకాంక్ష‌లు తెలిపారు. మ‌న సంస్కృతి, సాంప్ర‌దాయాల‌ను పండుగ‌లు చాటి చెబుతాయ‌ని తలసాని తెలిపారు.
చదవండి : 19 ఏళ్లకే గుండెపోటుతో మరో యువకుడు మృతి
భార‌త‌దేశంలో మ‌నం జ‌రుపుకునే పండుగ‌లు ఎంతో గొప్ప‌వి. ప్రతి పండుగ‌కు ఒక ప్ర‌త్యేక విశిష్ట‌త ఉంద‌న్నారు. హోలీ వేడుకలను ప్రతి సంవత్సరం దేశం మొత్తం ఎంతో ఘనంగా జరుపుకుంటున్నార‌ని తెలిపారు. ప్రతి తల్లిదండ్రులు తమ పిల్లలకు తమ ఆచారాలు, సాంప్రదాయాల గురించి తెలియజెప్పాల్సిన అవసరం ఉంద‌ని తలసాని శ్రీనివాస్ యాదవ్ స్ప‌ష్టం చేశారు.హైద‌రాబాద్‌లోని ఇందిరా పార్కు( Indira Park )లో హోలీ వేడుకలు ఘనంగా జ‌రిగాయి. ఈ వేడుక‌ల్లో మంత్రి తలసాని శ్రీనివాస్ యాదవ్( Minister Talasani Srinivas Yadav ), డిప్యూటీ మేయ‌ర్ శ్రీల‌త రెడ్డితో పాటు ప‌లువురు కార్పొరేట‌ర్లు పాల్గొన్నారు.
చదవండి : తెలుగు రాష్ట్రాల్లో ‘ఆర్ ఆర్ ఆర్’ రీ రిలీజ్
మనవడు తలసాని తారక్ తో హొలీ వేడుకలు.. pic.twitter.com/Mc1wt6kWa0
— Talasani Srinivas Yadav (@YadavTalasani) March 7, 2023
