సీఎం కేసీఆర్ పోటీ చేసే రెండో స్థానం కామారెడ్డిలో 100 మంది ఫౌల్ట్రీ రైతులు పోటీ చేస్తారని తెలిసింది. ఇప్పటికే 1016 మంది లంబాడీలు కూడా నామినేషన్ వేస్తామని ప్రకటించిన సంగతి తెలిసిందే.
మాజీ మంత్రి జానారెడ్డి నివాసంలో ఆదాయపు పన్ను శాఖ అధికారులు సోదాలు నిర్వహిస్తున్నారు. తెలంగాణ ఎన్నికల సమయంలో ఈ సోదాలు జరగుతుండటం సంచలనం రేపుతుంది. జానారెడ్డి కుమారుడు రఘవీర్ రెడ్డి వ్యాపార లావాదేవీలపై ఆరా తీస్తున్నారు.
తెలంగాణ అసెంబ్లీ ఎన్నికలకు సంబంధించి శాసన సభ నియోజకవర్గ నామినేషన్ స్వీకరణ నేటి నుంచి ప్రారంభమై 10వ తేదీ వరకు కొనసాగనున్నాయి.
కొడంగల్ బీజేపీ అభ్యర్థిగా క్యాసినో కింగ్ చీకోటి ప్రవీణ్ కుమార్‌ను బరిలోకి దింపాలని బీజేపీ అనుకుంటోంది. రేవంత్ రెడ్డికి గట్టి పోటీ ఇచ్చే అభ్యర్థి అతనే అవుతాడని భావిస్తోంది.
కాళేశ్వరం ప్రాజెక్ట్‌తో సీఎం కేసీఆర్ ఇల్లు బంగారంతో నిండిపోయిందని కాంగ్రెస్ ఫైర్ బ్రాండ్ రేణుకా చౌదరి తీవ్ర స్థాయిలో విమర్శలు చేశారు.
కాంగ్రెస్ పార్టీతో సీపీఎం తెగ దెంపులు చేసుకుంది. అసెంబ్లీ ఎన్నికల్లో ఒంటరిగా బరిలోకి దిగుతామని స్పష్టంచేశారు. రెండు, మూడు రోజుల్లో 17 చోట్ల అభ్యర్థులను ప్రకటిస్తామని సీపీఎం రాష్ట్ర కార్యదర్శి తమ్మినేని వీరభద్రం తెలిపారు.
అసెంబ్లీ ఎన్నికల్లో కమ్యూనిస్టులకు సీట్లు కేటాయించాల్సిన అవసరం లేదని కాంగ్రెస్ సీనియర్ నేత కోమటిరెడ్డి వెంకట్ రెడ్డి స్పష్టంచేశారు. ఆ పార్టీలకు లోక్ సభ ఎన్నికల్లో టికెట్లు కేటాయిస్తామని చెబుతున్నారు.
నిర్మల్ నియోజకవర్గంలో ఏర్పాటు చేసిన బీఆర్‌ఎస్ ప్రజా ఆశీర్వాద సభలో సీఎం కేసీఆర్ పాల్గొన్నారు. ఓటు వేసే ముందు ఆలోచించి వేయండని ప్రజలను కోరారు.
తెలంగాణలో ఎన్నికల సందడి మొదలైంది. అధికార పార్టీతోపాటు ప్రతిపక్షాలు సైతం ప్రచారం షురూ చేశాయి. ఈ నేపథ్యంలో రాష్ట్రంలో ప్రధాని మోడీని ప్రచారంలో వినియోగించుకునేందుకు బీజేపీ ప్లాన్ చేసింది. ఈ క్రమంలో మోడీ ఈనెల 7, 11 తేదీల్లో రాష్ట్రానికి రానున్నట్లు తెలుస్తోంది.
కాంగ్రెస్ నేత రాహుల్ గాంధీ మేడిగడ్డ బ్యారేజీని పరిశీలించారు. తర్వాత సోషల్ మీడియాలో ఓ పోస్ట్ చేశారు. ప్రస్తుతం ఆ పోస్ట్ వైరల్ అవుతోంది.
బాసర అమ్మవారి ఆలయంలోకి వరసగా పాములు వస్తున్నాయి. విషయం తెలిసి భక్తులు భయాందోళనకు గురవుతున్నారు. తెల్లవారుజామున అమ్మవారికి అభిషేకం చేయడానికి వెళ్లే పూజారులు భయపడుతున్నారు.
హైదరాబాద్‌లో ఐడీ దాడులు కలకలం రేపుతున్నాయి. ఎన్నికల వేళ కాంగ్రెస్ లీడర్లే టార్గెట్‌గా సోదాలు నిర్వహిస్తున్నారు. మహేశ్వరం నియోజకవర్గానికి చెందిన కాంగ్రెస్ అభ్యర్థి కేఎల్‌ఆర్, బండగ్‌పేట మేయర్ చిగురింత పారిజాత ఇళ్లల్లో సోదాలు జరుగుతున్నాయి.
కాళేశ్వరం ప్రాజెక్టులో అంతర్భాగమైన మేడిగడ్డ బ్యారేజీ కుంగిపోవడంపై విపక్షాలు తీవ్ర విమర్శలు చేస్తున్నారు. ఈక్రమంలో కాంగ్రెస్ నేత రాహుల్ గాంధీ మేడిగడ్డ బ్యారేజీని పరిశీలించారు.
బీఆర్‌ఎస్ నుంచి తెలంగాణ ప్రజలను కాపాడుకోవడానికి కాంగ్రెస్ నుంచి పోరాడాలని కొందరు..భారతీయ జనతా పార్టీ వైపు నిలబడాలని మరెంతో మంది బిడ్డలు ఇంకోవైపు. రెండు అభిప్రాయాలు కూడా కొట్లాడి తెచ్చుకున్న తెలంగాణ మేలు కోసమే. అయినా సినిమాల తరహాలో ద్విపాత్రాభినయం చేసే అవకాశం రాజకీయాల్లో సాధ్యపడదని విజయశాంతి ట్వీట్‌ చేశారు.
మోడల్‌ కోడ్‌ ఆఫ్‌ కాండక్ట్‌ పేరు చెప్పి పోలీసులు సామాన్యుల నడ్డి విరుస్తున్నారు. ఎక్కడికక్కడ తనిఖీల పేరుతో దొరికిన నగదు దొరికినట్లు సీజ్‌ చేస్తున్నారు. ఇదంతా ఎన్నికల్లో ఖర్చులకు ఉద్దేశించిందే అన్నట్లు హడావుడి చేస్తున్నారు. రాష్ట్ర వ్యాప్తంగా ఇదే తీరు కనిపిస్తోంది.
