Polls : దేశ వ్యాప్తంగా సార్వత్రిక ఎన్నికలు నాలుగో విడత సోమవారం జరుగుతున్న విషయం అందరికీ తెలిసిందే. ఓటింగ్‌ శాతం పెరగడానికి పలు ప్రభుత్వ, ప్రైవేటు వ్యాపార సంస్థలు అనేక అఫర్లను ప్రకటిస్తూ ఉండటం మనం చూస్తూనే ఉన్నాం. ఈ నేపథ్యంలో తెలంగాణ, సూర్యాపేట(suryapet) జిల్లాలోని అమ్మ హాస్పిటల్‌(amma hospital) వారు ఇలాంటి ఆఫర్‌నే ప్రకటించారు. సోమవారం తమ ఆసుపత్రిలో ఎవరైనా సరే సిరా గుర్తు చూపించి ఫ్రీ ఓపీ సౌకర్యాన్ని పొందవచ్చని డాక్టర్‌ సుధీర్‌ కుమార్‌ వెల్లడించారు.
చదవండి : తెలగు రాష్ట్రాల్లో పోలింగ్‌ ప్రారంభం.. ఓటేసిన ఎన్టీఆర్‌, అల్లు అర్జున్‌.. ఇంకా
సార్వత్రిక ఎన్నికల నేపథ్యంలో ఓటింగ్‌ శాతాన్ని పెంచేందుకు తాము తమ వంతుగా ఈ ప్రయత్నం చేస్తున్నట్లు డాక్టర్‌ సుధీర్‌ కుమార్‌ తెలిపారు. ప్రభుత్వం కూడా ఈ దిశగా ఆలోచన చేయాలన్నారు. ఓటు వేసేందుకు వెళ్లే వారందరికీ ఈ రోజు ఉచిత బస్సు, రైలు ప్రయాణాలను ఆఫర్‌ చేస్తే కొంత ఓటింగ్‌ శాతం తప్పకుండా పెరుగుతుందని తెలిపారు.
చదవండి : మంగళగిరిలో సతీ సమేతంగా ఓటేసిన పవన్ కళ్యాణ్‌… మరికొందరు ప్రముఖులు
ఒక్క ఓటు తేడాతో గెలిచిన హిట్లర్‌ రెండో ప్రపంచ యుద్ధానికి కారణమయ్యాడని గుర్తు చేశారు. ఒక్క ఓటు ఎంత విలువైనదో ఓటర్లు తెలుసుకోవాలని అన్నారు. ఈ రోజు అంతా తమ ఆసుపత్రిలో సిరా గుర్తు ఎవ్వరు చూపించినా ఓపీ ఫీజు ఉండదని తెలిపారు. మొదటి మూడు విడతల ఎన్నికల్లో కూడా ఇలానే పలు వ్యాపార సంస్థలు ఫ్రీ టిఫిన్‌, ఫ్రీ భోజనం, టికెట్లపై ఆఫర్లు… లాంటివి ప్రకటించడం మనం చూస్తూనే ఉన్నాం.
