AP & TS Polls : తెలంగాణలో లోక్‌ సభకు, ఆంధ్రప్రదేశ్‌లో లోక్‌సభ, శాసన సభలకు ఎన్నికల పోలింగ్‌ సోమవారం ఉదయం ప్రశాంతంగా ప్రారంభం అయ్యింది. ఉదయం ఆరు గంటలు దాటిన దగ్గర నుంచి పోలింగ్‌ కేంద్రాల వద్ద హడావిడి నెలకొంది. జనం ఓటు వేయడానికి బారులు తీరి కనిపించారు. ఎండల తీవ్రత ఎక్కువగా ఉన్న నేపథ్యంలో జనం ఉదయాన్నే ఓటేయడానికి ఆసక్తి చూపిస్తున్నారు. దీంతో ఉదయం ఎనిమిది గంటల ప్రాంతానికే పెద్ద ఎత్తున క్యూ లైన్లు దర్శనం ఇచ్చాయి.
చదవండి : ఆస్పత్రులు, ఎయిర్ పోర్టులపై బాంబు దాడులు.. అలర్టైన పోలీసులు
ఉభయ తెలుగు రాష్ట్రాల్లో పోటు హక్కును పలువురు ప్రముఖులు వినియోగించుకున్నారు. జూనియర్‌ ఎన్టీఆర్‌.. ఆయన తల్లి షాలిని, భార్య ప్రణతిలతో కలిసి వచ్చి హైదరాబాద్‌లోని ఓబుల్‌రెడ్డి స్కూల్‌లో ఓటు హక్కును వినియోగించుకున్నారు. స్టైలిష్‌ స్టార్‌ అల్లు అర్జున్‌ సైతం జూబ్లీహిల్స్‌లోని బీఎస్‌ఎన్‌ఎల్‌ సెంటర్‌కు తరలి వచ్చి ఓటు వేశారు.
చదవండి : సంక్షోభంలో హర్యానా ప్రభుత్వం.. బలపరీక్ష కోసం అసెంబ్లీ ప్రత్యేక సమావేశం
టీడీపీ అధినేత చంద్రబాబు నాయుడు(CHANDRABABU NAIDU) ఆయన సతీమణి భువనేశ్వరి కలిసి వచ్చి ఈ ఉదయం ఉండవల్లి మండల పరిషత్ ప్రథమికోన్నత పాఠశాలో తన ఓటు హక్కును వినియోగించుకున్నారు. ఇంకా టీడీపీ జాతీయ ప్రధాన కార్యదర్శి నారా లోకేష్‌ సైతం తన ఓటును వేశారు. అలాగే వైసీపీ అధినేత జగన్మోహన్‌ రెడ్డి(JAGAN MOHAN REDDY) సైతం తన భార్య భారతీ రెడ్డితో కలిసి పులివెందులలో ఓటు వేశారు. అక్కడి భాకరాపురంలో వీరిరువుతూ ఓటు హక్కును వినియోగించుకున్నారు. కొన్ని చోట్లు వైసీపీ, టీడీపీ కార్యకర్తల మధ్య ఘర్షణలు చోటు చేసుకుంటూ ఉన్నాయి. ఇవి మినహా చాలా పోలింగ్‌ కేంద్రాల వద్ద ప్రశాంతంగానే ఎన్నికలు జరుగుతున్నాయి.
Man of Masses #JrNTR casted his vote at his voting poll booth at HYD.#JrNTR #Election2024 #ElectionCommissionOfIndia pic.twitter.com/N6ylrJCSV7
— Anchor_Karthik (@Karthikkkk_7) May 13, 2024
