AP CM Chandrababu met Amit Shah in Delhi today
Chandrababu: ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఈ రోజు సాయంత్ర దేశ రాజధాని ఢిల్లీకి వెళ్లనున్నారు. ఆయన ఢిల్లీ పర్యటనలో భాగంగా కేంద్ర హోం మంత్రి అమిత్‌షాను కలువనున్నారు. ఆయనతో పాటు మరికొందరు మంత్రులతో కూడా సమావేశం కానున్నారు. ఈ నెల 3 వ తేదీనే ఢిల్లీకి వెళ్లిన బాబు ప్రధానమంత్రి మోడీ, అమిత్ షా, తదితర మంత్రులను కలిసొచ్చారు. పదిహేను రోజులు అవకముందే మళ్లీ ఆయన రాజధానికి వెళ్లడంపై సర్వత్రా ఆసక్తి నెలకొంది. ఈ సారి కచ్చితంగా కీలకమైన సమావేశమై ఉంటుందని అందరూ భావిస్తున్నారు.
చదవండి:Murder : వృద్ధురాలిపై పెట్రోల్‌ పోసి నిప్పంటించి చంపిన దుండగుడు
ఏపీలో ఎన్డీయే కూటమి కొలువుదీరి నెలరోజులు దాటింది. ఈ సందర్భంగా ఆయన పరిపాలన తదితర అంశాలపై ఈరోజు ఉదయం 11 గంటలకు చంద్రబాబు అధ్యక్షతన సచివాలయంలో కేబినెట్ సమావేశం నిర్వహించనున్నారు. ఈ నెలరోజుల్లో తాము తీసుకున్న అంశాలపై రివ్యూ చేయనున్నట్లు సమాచారం. ఇంకా ఏ అంశాల మీద దృష్టి సారించాలి, ఎక్కడ పురగతి సాధించాలి, అభివృద్ధి సాధించే విభాలు ఏంటి అనే అంశాలపై ప్రసంగించనున్నట్లు తెలుస్తుంది. తరువాత కేంద్రంతో మాట్లాడే అంశాలపై చర్చినున్నారు. అనంతరం సాయంత్రం 4 గంటలకు ఆయన ఢిల్లీ వెళ్లనున్నారు. రాత్రి అక్కడే బస చేసిన బుధవారం ఉదయం హోంమంత్రి అమిత్ షాతో భేటీ కానున్నారు. విభజన హామీలను, అలాగే ఎన్నికల సమయంలో ఇచ్చిన హామీల అమలుపై కీలకంగ చర్చించనున్నట్లు తెలుస్తుంది.
చదవండి:Pawan Kalyan: నేను ప్రధాని మోడీ గుండెల్లో ఉన్నా.. ఫోటలతో పనేంటి
