సహజీవనం పేరిట మోసం చేసిన ఘటనపై హైదరాబాద్ (Hyderabad) మధురానగర్‌‌లో కేసు నమోదైంది. సాఫ్ట్‌వేర్‌ ఉద్యోగి సి.కిరణ్‌కుమార్‌ వెంగళ్‌రావునగర్‌ శ్రీకృష్ణానగర్‌లో ఏడాది క్రితం ఓ రూం రెంట్ తీసుకుని ఉండేవాడు. తనతో పాటు రూమ్‌ షేర్ చేసుకోవడానికి ఆసక్తిగల వారు సంప్రదించాలని ఓఎల్‌ఎక్స్‌(OLX)లో ప్రకటన ఇచ్చాడు. ఓ మహిళ ఆసక్తి చూపి, గదిలో చేరింది. అనంతరం కూకట్‌పల్లికి మకాం మారారు. అయితే, తాను వేశ్యనని (Prostitute) ఆమె చెప్పడంతో గది ఖాళీ చేయమని కోరారు.
చదవండి : Assembly election : ఛత్తీస్‌గఢ్‌, మధ్యప్రదేశ్‌లో మొదలైన అసెంబ్లీ ఎన్నికల పోలింగ్
ఆమె నిరాకరించడంతో పాటు తాము సన్నిహితంగా ఉన్న ఫోటోలను సోషల్ మీడియా(Social media)లో వైరల్‌ చేస్తానంటూ బెదిరించింది. అంతేకాకుండా తనపై లైంగిక దాడిచేశాడని పోలీసులకు ఫిర్యాదు చేసింది. సైబరాబాద్‌ షీ బృందాన్ని(She team) ఆశ్రయించింది. ఇద్దరికీ కౌన్సెలింగ్‌ ఇచ్చిన తర్వాత అతడి నుంచి రూ.4.7లక్షలు పరిహారం కింద తీసుకుంది. అనంతరం సామాజిక మాధ్యమాల్లో ఫొటోలు వైరల్‌ చేయడంతో కిరణ్‌కుమార్‌ సైబర్‌ పోలీసులకు ఫిర్యాదు చేయగా వాటిని తొలగించారు.మరోసారి ఇద్దరు వ్యక్తులతో అతడిపై దాడిచేయించింది. ఈ మేరకు బుధవారం రాత్రి బాధితుడు పోలీసులకు కంప్లైంట్ చేశాడు.
చదవండి : Fire accident: చైనాలోని ఓ భవనంలో మంటలు..25 మంది మృతి
