BookMyShow: నూతన సంవత్సర వేడుకల సందర్భంగా సన్‌బర్న్ పేరుతో ఈవెంట్లు జరుగుతాయి. దేశవ్యాప్తంగా ఇవి నగరాల్లో జరుగుతుంటాయి. సన్‌బర్న్ ఈవెంట్లు ఎక్కడ జరిగిన వివాదాలు తప్పవు. అయితే ఈ ఏడాది హైదరాబాద్‌లో సన్‌బర్న్ వేడుకలు మాదాపూర్‌లో నిర్వహించేందుకు ఏర్పాట్లు చేస్తున్నారు. ఈవెంట్‌కు సైబరాబాద్ పోలీసులు అనుమతి ఇవ్వకుండా ఆన్‌లైన్‌లో టికెట్లు విక్రయించడంతో ప్రస్తుతం దీని గురించి చర్చ జరుగుతోంది. దీనిపై సీఎం రేవంత్‌రెడ్డి ఆగ్రహం వ్యక్తం చేశారు. ఈవెంట్‌కు అనుమతి ఎవరిచ్చారని, ఆన్‌లైన్‌లో బుకింగ్‌లు ఎలా ప్రారంభించారని నిన్న జరిగిన కలెక్టర్లు, ఎస్పీల సమావేశంలో ముఖ్యమంత్రి పోలీసులను ప్రశ్నించారు.
ఇది కూడా చూడండి: Coronavirus: దేశంలో కొత్తగా కోవిడ్ కేసులు..భయపెడుతున్న వేరియంట్ జేఎన్.1
ఈ విషయంపై మాదాపూర్ పోలీసులు బుక్‌మై షోపై చీటింగ్ కేసు నమోదు చేశారు. అనుమతి ఇవ్వకున్నా ఆన్‌లైన్‌లో టికెట్లు విక్రయించడంపై బుక్‌మై షోతో పాటు సన్‌బర్న్ షో నిర్వాహకులపైన కూడా కేసులు నమోదు చేశారు. న్యూఇయర్ ఈవెంట్ల కోసం తమ దగ్గర అనుమతి తీసుకోవాల్సిందేనని పోలీసులు తెలిపారు. నిబంధనలు ఉల్లంఘిస్తే కఠిన చర్యలు తప్పవని కూడా హెచ్చరించారు. అలాగే ఈవెంట్లలో అసాంఘిక కార్యకలాపాలు కొనసాగిస్తే క్రిమినల్ కేసులు కూడా తప్పవన్నారు.
ఇది కూడా చూడండి: Salaar: 3 రోజుల్లో 400 కోట్లు.. బాక్సాఫీస్‌ను షేక్ చేస్తున్న సలార్!
