Shashi Tharoor Fire on Selectors
Shashi Tharoor: శ్రీలంకతో త్వరలో జరగనున్న వన్డే, టీ20 సిరీస్‌లకు వెళ్లనున్న ఆటగాళ్ల జాబితాను బీసీసీఐ విడుదల చేసింది. జట్టును ఎంపిక చేసిన సెలక్టర్లు … సంజూ శాంసన్, అభిషేక్ శర్మలను పక్కన పెట్టారు. ఈ పరిణామంపై కాంగ్రెస్ సీనియర్ నేత శశిథరూర్ ఆగ్రహం వ్యక్తం చేశారు. సెంచరీ వీరులకు ప్రాధాన్యం లేదా అని ప్రశ్నించారు.
చదవండి:Amit Shah : కొత్త సిస్టం ద్వారా ఒక్క గ్రాము డ్రగ్స్‌ని కూడా దేశంలోకి రానీయం : అమిత్‌షా
ఈ నెల 27 నుంచి భారత జట్టు శ్రీలంక పర్యటన ప్రారంభం కానుంది. మూడు టీ20లు, మూడు వన్డేలు ఆడుతుంది. టీమిండియా కొత్త కోచ్ గౌతం గంభీర్, చీఫ్ సెలక్టర్ అజిత్ అగార్కర్ నేతృత్వంలోని సెలక్షన్ కమిటీ టీమిండియా వన్డే, టీ20 జట్లను ఎంపిక చేసింది. వన్డే సిరీస్‌ నుంచి సంజు శాంసన్, టీ20 సిరీస్‌ నుంచి అభిషేక్ శర్మను సెలక్షన్ కమిటీ పక్కనపెట్టింది. జింబాబ్వేతో టీ20 సిరీస్‌లో సెంచరీ సాధించిన అభిషేక్ శర్మను పక్కన పెట్టడంపై శశిథరూర్ మండిపడ్డారు. సంజు శాంసన్ తన గత వన్డేలో సెంచరీ సాధించాడని అటువంటి ఆటగాడికి వన్డే జట్టులో చోటు లేకుండా చేశారని…, జింబాబ్వేతో టీ20 సిరీస్‌లో శతకం నమోదు చేసిన అభిషేక్ శర్మను టీ 20 జట్టులో లేకుండా చేశారని శశి థరూర్ మండిపడ్డారు. అద్భుతాలు చేసేవారి ప్రదర్శన సెలక్టర్లకు చిన్నగా అనిపించి ఉండొచ్చని విమర్శించారు. ఏది ఏమైనా శ్రీలంక పర్యటనకు వెళుతున్న భారత జట్టుకు శుభాకాంక్షలు అని తెలిపారు.
బీసీసీఐ విడుదల చేసిన ఆటగాళ్ల జాబితాను ఓ సారి పరిశీలిస్తే … హార్ధిక్ పాండ్యాపై ఒత్తిడి లేకుండా చూసినట్లు కనిపిస్తోంది. వ్యక్తిగత కారణాల వల్ల ఇబ్బంది పడుతున్న హార్ధిక్ పాండ్యాను వైస్‌ కెప్టెన్సీ బాధ్యతల నుంచి తప్పించారు. వన్డేలకు మాత్రమే స్థానం కల్పించారు. టీ 20 సిరీస్‌ నుంచి తప్పించారు. మరోవైపు శుభ్మన్ గిల్‌కు వైస్‌ కెప్టెన్సీ బాధ్యతలు అప్పగించారు. అదే విధంగా బుమ్రాకు మొత్తం సిరీస్‌ నుంచి విశ్రాంతి కల్పించారు. రవీంద్ర జడేజాకు వన్డే సిరీస్‌లో స్థానం కల్పించలేదు. వన్డేలు, టీ 20లలో కామన్‌గా ఉన్న ప్లేయర్లను ఓ సారి గమనిస్తే…. శుభ్మన్ గిల్‌, రియాన్ పరాగ్, రిషబ్ పంత్, అక్షర్ పటేల్, వాషింగ్టన్ సుందర్, అర్షదీప్ సింగ్, ఖలీల్ అహ్మద్, మహ్మద్ సిరాజ్‌లకు ఇరు జట్లలో స్థానం కల్పించారు.
చదవండి:Businessman Assault Case: బెంగాల్ కుల్తాలీలో పోలీసులకు పట్టుబడ్డ నిందితుడు సద్దాం సర్దార్
Interesting squad selection for India’s tour of Sri Lanka later this month. @IamSanjuSamson, who hit a century in his last ODI, has not been picked for ODIs, while @IamAbhiSharma4, who hit a T20I century in the #INDvZIM series, has not been picked at all. Rarely has success in… pic.twitter.com/PJU5JxSOx2
— Shashi Tharoor (@ShashiTharoor) July 18, 2024
