కంది కొండ శివారులో పెద్ద పులి సంచార ఆనవాళ్లు

MHBD: సిరోల్ మండలం కంది కొండ గ్రామ శివారులో పెద్ద పులి సంచరించిన ఆనవాళ్లు కనిపించాయి. శనివారం పంటచేలల్లో గుర్తించిన పులి పాదముద్రలను అటవీ శాఖ అధికారులు పరిశీలించారు. గ్రామ పరిసర ప్రాంతాల్లో అప్రమత్తంగా ఉండాలని, ఒంటరిగా బయటకు వెళ్లవద్దని గ్రామస్తులకు సూచించారు. పరిస్థితిని నిరంతరం పర్యవేక్షిస్తూ అవసరమైన చర్యలు తీసుకుంటామని అధికారులు తెలిపారు.

February 28, 2026 / 05:40 PM IST

జిల్లా ప్రభుత్వ ఆసుపత్రిని సందర్శించిన మున్సిపల్ కమిషనర్

KMM: నగర పాలక సంస్థ పరిధిలో జరుగుతున్న అభివృద్ధి పనుల్లో వేగం పెంచాలని మున్సిపల్ కమిషనర్ అభిషేక్ అగస్త్య అధికారులను ఆదేశించారు. శనివారం 17,35 డివిజన్లో జరుగుతున్న పలు అభివృద్ధి పనులను కమిషనర్ పరిశీలించారు. అనంతరం జిల్లా ప్రభుత్వ ప్రధాన ఆస్పత్రికి సందర్శించి పారిశుద్ధ్యం, వైద్య సేవలపై ఆరా తీశారు. కమిషనర్ వెంట మున్సిపాలిటీ అధికారులు ఉన్నారు.

February 28, 2026 / 05:39 PM IST

‘కూటమి పాలనలో రహదారుల అభివృద్ధి వేగవంతం’

కోనసీమ: కూటమి పాలనలో రహదారుల అభివృద్ధి వేగవంతంగా జరుగుతుందని కొత్తపేట ఎమ్మెల్యే బండారు సత్యానందరావు పేర్కొన్నారు. గత వైసీపీ పాలనలో గుంతల రోడ్లతో ప్రజలు అనేక కష్టాలు పడ్డారని గుర్తు చేశారు. శనివారం ఆయన రూ.3 కోట్లతో నిర్మిస్తున్న వాడపాలెం రహదారి పనులను ప్రభుత్వ అధికారులతో కలిసి పరిశీలించారు. నాణ్యతలో రాజీ లేకుండా పనులను వేగవంతంగా పూర్తి చేయాలన్నారు.

February 28, 2026 / 05:38 PM IST

ప్రశాంతంగా ఇంటర్ పరీక్ష

VKB: కుల్కచర్ల మండల కేంద్రంలోని రెండు పరీక్షా కేంద్రాల్లో ఇంటర్ ద్వితీయ సంవత్సరం ఆంగ్ల పరీక్ష ప్రశాంతంగా ముగిసింది. రామలింగేశ్వర జూనియర్ కళాశాల వివేకానంద జూనియర్ కళాశాలల్లో పరీక్షలు నిర్వహించారు. వివేకానంద కళాశాలలో 204 మంది విద్యార్థులకు గాను 197 మంది హాజరు కాగా, ఏడుగురు గైర్హాజరయ్యారు.