సంక్రాంతి పండగ వేళ రైల్వేశాఖ నగర వాసులకు ఊహించని షాకిచ్చింది. నేడు, రేపు (జనవరి 13, 14 తేదీల్లో నగరంలో) ఎంఎంటీఎస్ రైలు సర్వీసులను రద్దు చేసింది. జంట నగరాల పరిధిలో ట్రాక్‌ మెయింటెనెన్స్‌, ఆపరేషనల్‌ పనుల నేపథ్యంలో ఈ నెల 13, 14 తేదీల్లో పలు మార్గాల్లో ఎంఎంటీఎస్ సర్వీసులను రద్దు చేస్తున్నట్లు రైల్వే అధికారులు తెలిపారు.
ఈ మార్గాల్లో ఎంఎంటీఎస్ బంద్
లింగంపల్లి-నాంపల్లి రూట్‌లో 2, నాంపల్లి-లింగంపల్లి మార్గంలో 3, ఫలక్‌నుమా-లింగంపల్లి రూట్‌లో 5 సర్వీసులను రద్దు చేసినట్లు అధికారులు చెప్పారు. వీటితో పాటు లింగంపల్లి- ఫలక్‌నుమా మార్గంలో 6 సర్వీసులు, రాంచంద్రాపురం-ఫలక్‌నుమాలో 1, ఫలక్‌నుమా- రాంచంద్రాపురం రూట్‌లో 1, ఫలక్‌నుమా- నాంపల్లి మార్గంలో 1 సర్వీసులు రద్దు చేశారు. ఇలా మొత్తంగా 19 సర్వీసులను రద్దు చేసినట్లు చెప్పారు.
