security-failure-at-delhi-airport-a-drunk-man-jumped-over-the-wall-and-ran-onto-the-runway
Delhi Airport: ఢిల్లీ(Delhi) అంతర్జాతీయ ఎయిర్ పోర్ట్‌లో మరోసారి భద్రత వైఫల్యం బయట పడింది. ఓ మందుబాబు ఏకంగా రన్‌వేపైకి వచ్చి ఫ్లైట్స్‌కు అడ్డం వెళ్లాడు. అతన్ని గుర్తించిన పైలెట్ వెంటనే అధికారులకు సమాచారం ఇచ్చాడు. జనవరి 26న జరిగిన ఈ ఘటన ఆలస్యంగా వెలుగులోకి వచ్చింది. ఈ విమానాశ్రయ భద్రతను సెంట్రల్ ఇండస్ట్రియల్ సెక్యూరిటీ ఫోర్స్(CISF) నిర్వహిస్తోంది. విధుల్లో నిర్లక్ష్యంగా వ్యవహిరించిన హెడ్ కానిస్టేబుల్‌ను సప్పెండ్ చేశారు.
చదవండి:Strip On Road: కేడీ మహిళలు.. దొంగతనం చేసి నగ్నంగా రోడ్డుపై బైఠాయించారు.
గోడదూకి రన్‌వేపై దూసుకొచ్చిన వ్యక్తి మద్యం మత్తులో ఉన్నట్లు పోలీసులు గుర్తించారు. రన్‌వై తిరుగుతున్న వ్యక్తని ఎయిర్ ఇండియా పైలెట్ గమనించాడు. వెంటనే ఏటీసీకి సమాచారం అందించాడు. ఏటీసీ ఈ విషయాన్ని సీఐఎస్ఎఫ్‌కు చేరవేశారు. నిందితుడిని అదుపులోకి తీసుకొని అతనిది హర్యానా అని తెలుసుకున్నారు. అనంతరం ఢిల్లీ పోలీసులకు అప్పగించారు. కేసు నమోదు చేసుకున్న పోలీసులు దర్యాప్తు చేస్తున్నారు.
చదవండి:Narendra Modi: సరళమైన భాషలో తీర్పునివ్వాలి
